សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បេីករថយន្តបត់ស្តាំមិនប្រយ័ត្ននិងមិនប្រេីភ្លេីងស៊ីញ៉ូក៏ជ្រុលទៅកិនម៉ូតូឌ្រីមមួយគ្រឿងបណ្តាលឲ្យរងការខូចខាត តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១០និង៣០នាទីយប់ ថ្ងៃទី៨ ខែមករា ឆ្នាំ២០២១ នៅចំណុចច្រមុះជ្រូកស្ទឹងមានជ័យ តាមបណ្តោយផ្លូវព្រះមុនីរ៉េត ក្នុងសង្កាត់ស្ទឹងមានជ័យទី២ ខណ្ឌមានជ័យ។
រថយន្តបង្កម៉ាកតាកូម៉ា ពណ៌ស្ករ ពាក់ស្លាកលេខភ្នំពេញ2B- 0668 ចំណែកម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០២០ ពណ៌ខ្មៅ ពាក់ស្លាកលេខភ្នំពេញ1HZ-0605 ។
តាមប្រភពព័ត៌មានពីកន្លែងកេីហេតុបានឲ្យដឹងថា មុនពេលកេីតហេតុគេឃេីញរថយន្តនិងម៉ូតូដូចខាងលើនេះធ្វេីដំណេីរស្របទិសគ្នាក្នុងទិសដៅពីត្បូងទៅជេីង
ខណៈមកដល់ចំណុចកេីតហេតុស្រាប់តែរថយន្តបត់ស្តាំដោយមិនបានប្រេីភ្លេីងស៊ីញ៉ូនិងមិនប្រយ័ត្នធ្វេីឲ្យម្ចាស់ម៉ូតូគេចមិនទាន់ត្រូវរថយន្តកិនម៉ូតូជាប់ តែសំណាងល្អម្ចាស់ម៉ូតូលោតចេញទាន់រងរបួសស្រាល។
ក្រោយកេីតហេតុភាគីទាំងសងខាងបានសម្របសម្រួលគ្នាដោយភាគីខាងរថយន្តព្រមទទួលកំហុសនិងចេញថ្លៃជួសជុលទៅភាគីខាងម៉ូតូចំនួន១៥០ដុល្លារដេីម្បីបញ្ចប់រឿនៅកន្លែងកេីតហេតុ៕
ដោយ៖សុខាសែនជ័យ
