សារព័ត៌មាន នគរវត្ត តែងតែនាំមុខគេជានិច្ច
មន្ត្រីបុគ្គលិក បម្រើការក្នុងយុទ្ធនាការឃោសនាបោះឆ្នោត របស់ប្រធានឃោសនាបោះឆ្នោតរបស់ប្រធានាធិបតី ដូណាល់ ត្រាំ ជាប់ពាក់ព័ន្ធអំពើហិង្សានៅទីក្រុងវ៉ាស៊ីនតោនកាលពីថ្ងៃទី ៦ខែមករា ។
ជាក់ស្តែងលោកស្រី Megan Powers ជាប្រធានយុទ្ធនាការឃោសនាបោះឆ្នោត របស់លោកត្រាំ និងមន្ត្រីជាច្រើនរូបទៀតស្ថិតនៅក្នុងបញ្ជីអ្នកនៅពីក្រោយ អំពើហិង្សានៅវិមានរដ្ឋសភា ។
ពាក់ព័ន្ធនឹងការវាយប្រហារនៅវិមានកាពីតូល មន្ត្រីនៅរដ្ឋ New Mexico ត្រូវបានចាប់ខ្លួន ។ លោក Griffin សមាជិកក្រុមប្រឹក្សាស្រុកនៃរដ្ឋញូវ ម៉ិកស៊ីកូ និងជាស្ថាបនិកនៃក្រុម “ខូវប៊យគាំទ្រលោក Trump” ត្រូវបានចាប់ខ្លួន ពីបទទាក់ទងនឹងការវាយប្រហារទៅលើរដ្ឋសភាអាមេរិក។
តាមសារព័ត៌មានរ៉យទ័រ ក្រសួងយុត្តិធម៌អាមេរិក កាលពីថ្ងៃទី ១៧ខែមករា បានបញ្ជាក់ពីការចាប់ខ្លួនលោក Cuoy Griffin មន្ត្រីជាន់ខ្ពស់ក្នុងរដ្ឋ ញូវម៉ិចស៊ីកូ ធ្លាប់បានប្រកាសថា នឹងនាំយកកាំភ្លើងទៅកាន់រដ្ឋធានីវ៉ាស៊ីនតោន ដើម្បីប្រឆាំងការចូលកាន់តំណែងរបស់លោកបៃឌិន។ ការចាប់ខ្លួន លោកCuoy Griffin ក្រោយរកឃើញថាលោកជាប់ពាក់ព័ន្ធ អំពើហិង្សានៅវិមានកាពីតូល កាលពីថ្ងៃទី៦ខែមករា ឆ្នាំ២០២១។
សូមបញ្ជាក់ផងដែរ ថា អំពើហិង្សានៅវិមានកាពីតូលកាលពីថ្ងៃទី ៦ខែមករា បណ្តាលឲ្យមនុស្ស ៥នាក់ស្លាប់ ក្នុងនោះមានប៉ូលិសម្នាក់ ។ ក្រុម FBI បានបើកការស្រវជ្រាវ ថាតើមានប្រទេសខាងក្រៅ លូកដៃនៅក្នុងអំពើហិង្សាជាប្រវត្តិសាស្ត្រនៅវិមានរដ្ឋសភាអាមេរិក៕ដោយ៖ធី រីណា(រូបភាព៖AP)
