សារព័ត៌មាន នគរវត្ត តែងតែនាំមុខគេជានិច្ច
ប៉ូលិសហ្វុីលីពីនបានឲ្យដឹងថា មានមនុស្ស១៣នាក់ស្លាប់ ក្នុងនោះមានប៉ូលិសម្នាក់ និងរបួស៤នាក់ក្នុងការប៉ះទង្គិចគ្នារវាងកម្លាំងប៉ូលិសនឹងក្រុមឧទ្ទាមនៅខេត្តMaguindanao ភាគខាងត្បូងហ្វុីលីពីន នៅថ្ងៃទី២៣ខែមករា ឆ្នាំ២០២១។
ការវាយប្រហារគ្នាកើតឡើងក្នុងពេលកម្លាំងប៉ូលិសទៅកាន់ទីតាំងលាក់ខ្លួនរបស់ក្រុមឧទ្ទាម ស្ថិតនៅក្នុងស្រុកSultan Kudarat ដើម្បីចាប់ខ្លួនពីបទសម្លាប់មនុស្សនិងប្លន់យកប្រាក់ ។ ជនល្មើស ប្រដាប់ដោយអាវុធបានតដៃជាមួយកម្លាំងប៉ូលិសអស់រយៈពេលជាង៥ម៉ោង ។
ក្រោយការវាយប្រហារប៉ូលិសរឹបអូសបានកាំភ្លើង ៦ដើម ប្រភេទ M16 កាំភ្លើងស្វ័យប្រវត្តិនិង Barret ព្រមទាំងអាវុធផ្សេងៗជាច្រើនទៀត។
ដោយឡែកនៅក្នុងប្រទេសឥណ្ឌូនេស៊ីវិញ ក្រុមប្រឆាំងភេរវកម្ម Densus 88 បានចាប់ខ្លួនភេរវករ ៥នាក់ នៅក្នុងខេត្ត Aceh ។ អ្នកនាំពាក្យកម្លាំងប៉ូលិស ឥណ្ឌូនេស៊ីបានឲ្យដឹងថា កម្លាំងប៉ូលិសចាប់បានភេរវករ៥នាក់នៅទីតំាង៤កន្លែងផ្សេងគ្នា ក្នុងខេត្ត Aceh ។
ក្រៅពីនេះ កម្លាំងប៉ូលិសក៏បានរកឃើញរំសេវ១គីឡូក្រាម ជីកាលី នីត្រាដ (kali nitrat)២៥០ក្រាម និងវត្ថុផ្សេងៗទៀតដើម្បីផលិតគ្រាប់កាំភ្លើង ។
កម្លាំងប៉ូលិសក៏បានរកឃើញលិខិតឆ្លងដែន ដោយភេរវករនោះធ្លាប់ទៅកាន់តំបន់Khurasan ប្រទេសអាហ្វហ្គានីស្ថាន ។ នៅពេលនេះកម្លាំងសន្តិសុខ កំពុងតែឃុំខ្លួនដើម្បីសួរចម្លើយ ៕
ដោយ៖ធី រីណា(រូបភាព៖AFP/TTXVN)
