សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ជនសង្ស័យជាបងប្រុសបង្កើតមានជម្លោះពាក្យសម្តីជាមួយប្អូនបានប្រើហិង្សាយកពូថៅកាប់ក្បាលប្អូនយ៉ាងពេញទំហឹងបណ្ដាលឱ្យរងរបួសធ្ងន់រួចហើយជនដៃដល់បានរត់គេចខ្លួនបាត់ភ្លាមៗ បង្កការភ្ញាក់ផ្អើលដល់អ្នកភូមិនិងអ្នកធ្វើដំណើរចោមរោមមើលទាំងព្រឹក។
ហេតុការណ៍នេះបានកើតឡើងកាលពីវេលាម៉ោង៩និង១០នាទីព្រឹកថ្ងៃទី២៤ ខែមករាឆ្នាំ២០២១ នៅចំណុចវាលស្រែស្ថិតក្នុងភូមិព្រៃទប់ សង្កាត់ច្រកម្ទេស ក្រុងបាវិត ខេត្តស្វាយរៀង។
បើតាមសមត្ថកិច្ចនគរបាលបានឱ្យដឹងថាជនរងគ្រោះជាប្អូនមានឈ្មោះ ម៉ៅ សាវ៉េត អាយុ៣០ឆ្នាំ មុខរបរលក់ដូរមានទីលំនៅភូមិកំពោតប្រស់ សង្កាត់ច្រកម្ទេស ក្រុងបាវិត ខេត្តស្វាយរៀង រងរបួសត្រូវចំក្បាលខាងឆ្វេងដេរ៧ថ្នេរ និងកំពុងសម្រាកព្យាបាលនៅមន្ទីរពេទ្យបង្អែកជីភូក្រុងបាវិត។
ចំណែកជនសង្ស័យមានឈ្មោះម៉ៅ សាវី អាយុ៣២ឆ្នាំ មុខរបរមិនពិតប្រាដ មានលំនៅភូមិកំពោតប្រស់ សង្កាត់ច្រកម្ទេសក្រុងបាវិត ខេត្តស្វាយរៀង ក្រោយពីបង្ករបួសស្នាមឱ្យប្អូនហើយបានរត់គេចខ្លួនបាត់ភ្លាមៗ។
បច្ចុប្បន្នសមត្ថកិច្ចនគរបាលក្រុងបាវិតកំពុងស្រាវជ្រាវស្វែងរកចាប់ខ្លួនយកមកផ្ដន្ទាទោសឱ្យខាងតែបាន៕ យឹម សុថាន
