សារព័ត៌មាន នគរវត្ត តែងតែនាំមុខគេជានិច្ច
អតីតប្រធានាធិបតីដូណាល់ ត្រាំ កាលពីនៅកាន់អំណាចបានស្នើដាក់ឈ្មោះ ដូណាល់ ត្រាំ សម្រាប់អាកាសយានដ្ឋាននៅរដ្ឋ Florida ប៉ុន្តែនៅពេលនេះរដ្ឋបាលក្នុងរដ្ឋនេះ បានបដិសេធដាក់ឈ្មោះតាមការចង់បានរបស់លោកត្រាំ។
តាមសារព័ត៌មាន SCMP បានផ្សាយថា អតីតប្រធានាធិបតីត្រាំ មិនអាចសម្រេចគោលបំណងចង់បានអាកាសយានដ្ឋានមួយក្នុងស្រុកកំណើត ដាក់ឈ្មោះរបស់លោកនោះឡើយ។ គណៈកម្មការ ស្រុក Palm Beach មិនគាំទ្រដល់ការផ្លាស់ប្តូរឈ្មោះអាកាសយានដ្ឋាន Palm Beach International airport ទៅជាDonal Trump Airport នោះឡើយ។
ឈ្មោះ Palm Beach មនុស្សគ្រប់គ្នាបានដឹងថាមានឆ្នេរសមុទ្រដ៏ស្រស់ស្អាត និងការរីកចម្រើនក្នុងវិស័យកសិកម្ម ទាំងនេះគឺជាចំណុចលេចធ្លោជាងគេក្នុងតំបន់។ ចំណែកឈ្មោះ Trump international គឹជាឈ្មោះសមស្របសម្រាប់ទីលានវាយកូនហ្គោលរបស់គ្រួសារត្រាំតែប៉ុណ្ណោះ ។
អតីតប្រធានាធិបតី ដូណាល់ ត្រាំបានធ្វើឲ្យបាត់បង់ប្រជាប្រិយភាព យ៉ាងខ្លាំងមុនពេលលោកបញ្ចប់ តំណែងប្រធានាធិបតី។ ប្រជាប្រិយភាពកាន់តែធ្លាក់ចុះក្រោយពេលមានអំពើហិង្សានៅក្នុងរដ្ឋសភា កាលពីថ្ងៃទី៦ខែមករា ហើយលោកជាអ្នកនៅពីក្រោយអំពើហិង្សានោះ។ កន្លងមក ធនាគារ និងក្រុមហ៊ុនរកស៊ីជាច្រើនបានឈប់សហការរកស៊ីជាមួយគ្រួសារលោកត្រាំផងដែរ៕ ដោយ៖ធី រីណា
