សារព័ត៌មាន នគរវត្ត តែងតែនាំមុខគេជានិច្ច
ខ្សែការពារកណ្តាលរបស់ក្លិបហង្សក្រហម Liverpool កីឡាករ Joel Matip នឹងអវត្តមានពេញមួយរដូវកាលដោយបញ្ហារបួសកជើង។ អតីតកីឡាករអន្តរជាតិកាមេរូនវ័យ២៩ឆ្នាំរូបនេះបានជួបបញ្ហារបួសអំឡុងពេលឈ្នះក្រុម Tottenham ៣-១ កាលពីថ្ងៃព្រហស្បតិ៍សប្តាហ៍មុន។
យោងតាមការចេញផ្សាយរបស់ BBC Sport នៅថ្ងៃទី២ ខែកុម្ភៈថា កីឡាកររូបនេះបានចូលរួមជាមួយខ្សែការពារ Virgil van Dijk និង Joe Gomez នៅខាងក្រៅទោះបីជាហង្សក្រហមពង្រឹងតំបន់ការពាររបស់ពួកគេដោយការចុះហត្ថលេខាលើ Ben Davies និង Ozan Kabakក៏ដោយ។
អ្នកចាត់ការសញ្ជាតិអាឡឺម៉ង់លោក Jurgen Klopp បាននិយាយថា “គាត់នឹងត្រៀមខ្លួនសម្រាប់ការចាប់ផ្តើមរដូវកាលក្រោយ ហើយអ្វីគ្រប់យ៉ាងនឹងត្រូវបានរៀបចំឡើង។ Matip ដែលរងរបួសក្នុងការប្រជែងជាមួយខ្សែប្រយុទ្ធរបស់ក្លិប Tottenham កីឡាករ Son Heung-min បានលេងឱ្យក្រុមបើទោះបីជាមិនទាន់មានសុខភាពល្អក៏ដោយ។ នៅចុងបញ្ចប់យើងត្រូវតែសារភាពថាគាត់ប្រហែលជាធ្វើដូច្នេះ” ។
លោក Jurgen Klopp បានបន្តថា “វាពិតជាសំណាងណាស់ព្រោះវាជាការប្រកួតប្រជែងដ៏អស្ចារ្យមួយដែលគាត់បានបង្កើត។ គាត់បានជួយសង្គ្រោះជីវិតយើងក្នុងពេលនៃការប្រកួតជាមួយ Tottenhamនៅពេលដែលគាត់ឈ្នះការប្រកួតជាមួយ Son Heung-min។ ប៉ុន្តែគាត់បានរងរបួសកជើង ហើយពេលនេះមិនទាន់ដល់រដូវកាលទេ ដូច្នេះអ្នកអាចស្រម៉ៃថាគាត់ព្យាយាមនៅលើទីលានប៉ុន្មានហើយព្យាយាមជួយយើង” ៕
ដោយ៖ភារៈ
