សារព័ត៌មាន នគរវត្ត តែងតែនាំមុខគេជានិច្ច
ចំណេះដឹងទូទៅ៖ ជាទូទៅមនុស្សគ្រប់គ្នាតែងតែនិយាយថា មនុស្សស្រី គឺជាភេទទន់ខ្សោយ ហើយក៏អាចនិយាយបានថា ជាភេទដែលសម្បូរល្បិចកលមាយាច្រើនដែរ។ ប៉ុន្តែភាពពិសពុល ល្បិចកលទាំងនោះ មិនមែនសម្គាល់ ឬសំដៅដល់តែមនុស្សស្រីដែលស្អាត ឆើតឆាយ ទើបពិសពុលនោះឡើយ។
បេីយេីងសង្កេតជាក់ស្តែងមនុស្សស្រីខ្លះ យ៉ាប់ទាំងព្រម មិនស្អាតទេ តែសាហាវជាងស្រីស្អាតទៅទៀត ក៏មានស្រីស្អាតខ្លះ ស្អាតក៏ស្អាត ល្អក៏ល្អ និយាយរួមគឺ នាងមានបុណ្យល្អ ទើបមាននិស្ស័យល្អ។ មិនតែបុណ្ណោះ ភាពអាក្រក់ ពិសពុល មិនមែនកើតលើតែស្រីស្អាត ស៊ិចស៊ី ដូចគ្រប់គ្នាគិតនោះឡើយ។
ប៉ុន្តែភាពស្រស់ស្អាតខាងក្រៅ គ្រាន់តែជាការបញ្ជាក់ពីរូបភាព និងការចេះតុបតែងរបស់បុគ្គលតែប៉ុណ្ណោះ ចំណែកចិត្តគំនិតខាងក្នុង ទើបជាការបញ្ជាក់ពីមារយាទ សន្ដាន អត្តចរិតរបស់មនុស្សម្នាក់ៗ។
បេីយេីងវិភាគមែនទែនទៅគេថា ” កុំមើលមនុស្សតែសម្បកក្រៅ ហើយក៏គួរតែប្រយ័ត្ន ជាមួយនឹងរូបរាងខាងក្រៅរបស់មនុស្សផងដែរ ” ។ ព្រោះសម័យនេះ មនុស្សមួយចំនួន ពូកែតុបតែងខ្លួន តុបតែងសម្បកខាងក្រៅ ដើម្បីបំភ័ន្តភ្នែកគេឯងណាស់។ ផ្គួបផ្សំនឹងមនុស្សស្មោះត្រង់មួយចំនួន តែងតែរងគ្រោះ ចាញ់បោកព្រោះសម្បកខាងក្រៅហ្នឹងឯង។
ទោះជាយ៉ាងណាក៏ដោយ ស្រីស្អាតមិនប្រាកដថា ពិសពុល មានកលល្បិច ស្រីស្អាតតិចៗ អាចនឹងល្បិចសាហាវជាង ស្រីស្អាតឆើតឆាយទៅទៀត។ ចង់ស្គាល់ពីធាតុពិតរបស់បុគ្គលណាម្នាក់ គួរចេះសង្កេត វិភាគថ្លឹងថ្លែង មិនមែនវិនិច្ឆ័យតែរូបរាងខាងក្រៅរបស់គេនោះឡើយ៕ដោយ៖សហការី
រូបភាព៖ឯកសារ
