សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងកងរាជអាវុធហត្ថខេត្តតាកែវ សហការជាមួយ កម្លាំងការិយាល័យប្រឆាំងគ្រឿងញៀន អាវុធហត្ថលើផ្ទៃប្រទេស និងជំនាញ រាជធានីភ្នំពេញ និង អាវុធហត្ថ ខណ្ឌដង្កោ នៅម៉ោង៤និង២០នាទី រសៀលថ្ងៃទី២០ខែកុម្ភៈឆ្នាំ២០២១ ចំណុចមុខសាលាបឋមសិក្សាពងទឹក ភូមិ ពងទឹក សង្កាត់ពងទឹក ខណ្ឌ ដង្កោ បានឃាត់ខ្លួនបានជនសង្ស័យម្នាក់ដកហូតវត្ថុតាងរួមមាន:
១-ក្រាមពណ៌សថ្លា០២កញ្ចប់(សង្ស័យថាជាសារធាតុញៀន)
២-ម៉ូតូ០១គ្រឿងម៉ាកBeat ពណ៌សលាយខៀវពាក់ផ្លាកលេខភ្នំពេញ 1HX-7292
៣-ទូរស័ព្ទដៃ០១គ្រឿងម៉ាកVIVOពណ៌ខ្មៅ។
មន្រ្តីអាវុធហត្ថបានឲ្យដឹងថា,ជនសង្ស័យមានឈ្មោះ ស្រ៊ុន ស្រីមុំ អាយុ ២៧ឆ្នាំ មុខរបរ មិនពិតប្រាកដ ទីកន្លែងកំណើត ឃុំប្រាសាទ ស្រុកកំពង់ត្របែក ខេត្តព្រៃវែង ។
ក្រោយពីស្ដាប់ចម្លើយរបស់ជនសង្ស័យ នៅថ្ងៃនៅថ្ងៃខែឆ្នាំដដែលវេលាម៉ោង៦ល្ងាចថ្ងៃដដែល កម្លាំងសមត្ថកិច្ចចម្រុះបន្តមកឆែកឆេរផ្ទះជួលរបស់ជនសង្សយ័ឈ្មោះ ស្រ៊ុន ស្រីមុំ ដែលមានអាសយដ្ឋានបុរីពិភពថ្មី១ ផ្ទះជួលលេខ៥៧A ផ្លូវលេខ១១ ភូមិប្រការសង្កាត់ព្រៃស ខណ្ឌដង្កោ រាជធានីភ្នំពេញ សមត្ថកិច្ចចម្រុះបានរកឃើញវត្ថុតាងរួមមាន:
១-ក្រាមពណ៌សថ្លា១៣កញ្ចប់ធំ ។
២-ជញ្ជីងសម្រាប់ថ្លឹងគ្រឿងញៀន០១គ្រឿង។
៣-ទូរស័ព្ទដៃចំនួន០៥គ្រឿង។
បច្ចុប្បន្ន ជនសង្ស័យរួមទាំងវត្ថុតាងត្រូវបានកម្លាំងការិយាល័យគ្រឿងញៀន កងរាជអាវុធហត្ថលើផ្ទៃប្រទេសប្រគល់ជូនកម្លាំងអាវុធហត្ថខេត្តតាកែវដែលជាម្ចាស់ករណីបន្តនីតិវិធី ៕
ដោយ៖ ជ្រោយពេជ្រ
