សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ជាសន្តិសុខយាមការដ្ឋានមួយស្ថិតនៅក្រោយភោជនីយដ្ឋានវិមានអាហារ ត្រូវបានបុរសម្នាក់ក្នុងចំណោមបក្សពួក៥នាក់ដែលផឹកសុីស្រវឹងឈ្លោះគ្នាផ្អេីលរំខានដល់កម្មករដែលកំពុងធ្វេីការនៅក្បែរនោះមកប្រាប់សន្តិសុខឱ្យទៅប្រាប់កុំឱ្យពួកនោះមាត់ឮពេករំខានដល់ពួកគាត់ដែលកំពុងធ្វេីការ។
ហេតុការណ៍នេះបានកេីតឡេីងនៅវេលាម៉ោង២៖៤០នាទីរសៀលថ្ងៃទី២២ខែមីនាឆ្នាំ២០២១ នៅត្រង់ចំណុចការដ្ឋានបុរីមួយកន្លែង ស្ដិតនៅខាងក្រោយភោជនីយដ្ឋានវិមានអាហារ ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
យោងតាមប្រភពពីសន្តិសុខដែលគេគំរាមរកវ៉ៃនិងបាញ់នោះបានប្រាប់ឱ្យដឹងថា ក្រុមជេីងខ្លាំងដែលប្រមាថមកលេីគាត់ ឃេីញផឹកសុីតាំងពីព្រឹកមកម្ល៉េះក្នុងឃ្លាំងដ៏ធំទេីបធ្វេីថ្មីក្បែរនោះ មានគ្នា៥នាក់ស្រី២ ជាប្ដីប្រពន្ធនឹងគ្នា លុះមកដល់ម៉ោងកេីតហេតុខាងលេីក៏មានកម្មករដែលកំពុងធ្វេីការមកប្រាប់សន្តិសុខថា មានគេឈ្លោះគ្នាស្រែកឡូឡារំខានដល់ពួកគាត់ដែលកំពុងធ្វេីការ។
ពេលទទួលបានសំណូមពរនេះរូបគាត់ក៏ដេីរទៅប្រាប់ខណៈដែលបុរសប្រមឹកម្នាក់កំពុងឈ្លោះជាមួយប្រពន្ធ ភ្លាមនោះស្រាប់តែជននោះបែរមកជេរប្រមាថរូបគាត់ដែលជាសន្តិសុខទៅវិញ ដោយប្រមាថរកគប់ក្បាលនឹងដុំថ្មហេីយបបួលចូលក្នុងឃ្លាំងវ៉ៃមួយស្មេី ថែមទាំងនិយាយថា៖ បេីគេមានកាំភ្លេីងគេបាញ់បំបែកក្បាលគាត់គ្រវាត់ចោលទៀតផង។ ចំណែករូបគាត់ក៏ធ្វេីការតាមការងាររបស់ខ្លួនដោយហៅតាមអាយកូមទៅមេរបស់ខ្លួនដេីម្បីមកជួយ។
ក្រោយកេីតហេតុ ឃេីញមានសន្តិសុខមកជាច្រេីននាក់សហការជាមួយសមត្ថកិច្ចខណ្ឌជ្រោយចង្វាចុះមកដល់ បានធ្វេីការអប់រំទៅបុគ្គលដែលគំរាមវាយនិងប្រមាថជីវិតគេ ដោយសម្របសម្រួលបញ្ចប់រឿង ព្រោះមិនទាន់បង្កជាហិង្សាមានរបួសស្នាមនៅឡេីយ៕
ដោយ៖ រ៉ារ៉ា
