សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើតាមសេចក្តីជូនដំណឹង នៅព្រឹកថ្ងៃទី២៩ ខែមីនា ឆ្នាំ២០២១ របស់ អនុគណៈកម្មការស្រាវជ្រាវជំងឺកូវីដ-១៩ បានបញ្ជាក់ថា,ធនាគារឯកទេស អុីអន (AEON Specialized Bank) សាខា ផ្សារទំនើប អុីអន ១ ជាន់ទី២ អគារលេខ ១៣២, ផ្លូវសុធារស មានអ្នកវិជ្ជមានកូវីដ-១៩ ។
អនុគណៈកម្មការស្រាវជ្រាវជំងឺកូវីដ-១៩ សូមអំពាវនាវដល់ប្រជាពលរដ្ឋ ដែលធ្លាប់បានទៅទទួលសេវា ធនាគារឯកទេស អុីអន (AEON Specialized Bank) សាខា ផ្សារទំនើប អុីអន ១ ជាន់ទី២ អគារលេខ ១៣២, ផ្លូវសុធារស នៅថ្ងៃទី ២១ ខែមីនា ឆ្នាំ២០២១ (អ្នកវិជ្ជមានជំងឺកូវីដ-១៩ បានចូលទៅធនាគារនោះនៅម៉ោង ១៥៖២៤នាទី និងចេញម៉ោង ១៥៖៤៦នាទី)។
ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វេីតេស្តរកមេរោគ កូវីដ-១៩ (COVID-19) ដែលមានទីតាំងនៅ
📌វិទ្យាល័យបាក់ទូក
📌វិទ្យាល័យបឹងត្របែក
📌មណ្ឌលសុខភាពចាក់អង្រែក្រោម
📌មន្ទីរពេទ្យខ្មែរ-សូវៀត
📌សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន)
📌មន្ទីរពេទ្យបង្អែកនៅតាមបណ្តាខេត្តនានា
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។
សូមអរគុណ!
ដោយ ៖ សិលា
