សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដំណេីរត្រួតពិនិត្យការងារចាក់វ៉ាក់សាំងស៊ីណូវ៉ាក់របស់លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ ជាអ្នកនាំពាក្យក្រសួងសុខាភិបាល និងជាប្រធានគណកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ក្នុងរយ:ពេលពីថ្ងៃទី០១ ដល់ទី០៤ ខែមេសា ឆ្នាំ២០២១ គ.វ.ក-១៩ បានចាត់ចែងយុទ្ធនាការចាក់វ៉ាក់សាំងស៊ីណូវ៉ាក់បានចំនួន ១៤០.៧៧៣នាក់ ហេីយ ដែលធ្វេីឱ្យចំនួនប្រជាជនដែលបានចាក់វ៉ាក់សាំងស៊ីណូហ្វាម ស៊ីណូវ៉ាក់ និងកូវីសែល សរុបទាំងបីមុខវ៉ាក់សាំងនេះ គឺបានកេីនឡេីងដល់ ៤១៨.៥៦៩នាក់ នៅទូទាំងប្រទេស។
ដោយឡែករដ្ឋបាលរាជធានីភ្នំពេញក៏បានផ្អាកដំណើរការ ផ្សារអូរឫស្សី រយៈពេល១៤ថ្ងៃ ការផ្អាកដំណើរការនេះ គឺដើម្បីបង្ការ និងទប់ស្កាត់ការឆ្លងរីករាលដាល មេរោគកូវីដ១៩ (COVID-19) ក្រោយមាន អ្នកជំងឺកូវីដ១៩ សរុប ៦នាក់ មានប្រភពនៅក្នុង ផ្សារអូរឫស្សី៕
ដោយ៖ សុខ ខេមរា
