សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកឧត្តមសេនីយ៍ឯក ស ថេតអគ្គស្នងការរង នគរបាលជាតិ និងជាស្នងការនគរបាលរាជធានីភ្នំពេញនៅព្រឹកថ្ងៃទី៥ ខែមេសា ឆ្នាំ២០២១ បានថ្លែងយ៉ាងដូច្នេះថា, “ដៃម្ខាងដឹកនាំបញ្ជាកម្លាំងចូលរួមសហការដេីម្បីបង្ការទប់ស្កាត់ការឆ្លងរាលដាលវីរុសកូវីដ-១៩ ដៃម្ខាងទៀតកសាង និងអភិវឌ្ឍន៍អង្គភាព”! លោកបន្តថា, ក្នុងនាមជាថ្នាក់ដឹកនាំអង្គភាពមួយរូប ដែលតែងតែគិតគូរ និងយកចិត្តទុកដាក់យ៉ាងខ្លាំង ចំពោះការកសាង និងការអភិវឌ្ឍន៍អង្គភាព ក៏ដូចជាការយកចិត្តទុកដាក់ជាប្រចាំចំពោះសុខទុក្ខរបស់មន្ត្រីក្រោមឱវាទ ជាពិសេសយកចិត្តទុកដាក់យ៉ាងខ្លាំងទៅលេីវិន័យកងកម្លាំង ការគ្រប់គ្រងកម្លាំង ថែមទាំងរៀបចំកាត់សម្លៀកបំពាក់ថ្មីៗ ស្អាតជូនកងកម្លាំង ដេីម្បីឲ្យសាកសមជាគំរូសម្រាប់នគរបាលជាតិ ក៏ដូចជាការរៀបចំបំពាក់សម្ភារ: ម៉ូតូ និងរថយន្តថ្មីទំនេីបៗ ជាច្រេីនគ្រឿង ដល់កងកម្លាំងដេីម្បីងាយស្រួលចេញប្រតិបត្តិការ ការពារសន្តិសុខ សណ្តាប់ធ្នាប់ជូនប្រជាពលរដ្ឋ ម្យ៉ាងវិញទៀតកំពុងតែដំណេីរការសាងសង់អគារស្នងការដ្ឋាននគរបាលរាជធានីភ្នំពេញថ្មីសម្រាប់ផ្តល់ជូនដល់ថ្នាក់ដឹកនាំនិងមន្ត្រីទាំងអស់មានកន្លែងធ្វេីការយ៉ាងល្អដេីម្បីងាយស្រួលក្នុងការបម្រេីប្រជាពលរដ្ឋឲ្យកាន់តែមានប្រសិទ្ធភាពទ្វេរដងថែមទៀត ៕
ដោយ៖ សិលា
