សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ កម្លាំងសមត្ថកិច្ចជំនាញ បានសហការជាមួយសហគមន៍នេសាទ នៅវេលាម៉ោង ១០និង៣០នាទី យប់ថ្ងៃទី៦ ខែមេសា ឆ្នាំ២០២១ បានចុះល្បាតប្រទះឃើញជនប្រព្រឹត្តបទល្មើស កំពុងធ្វើសកម្មភាពឆក់ត្រី តាមដងទន្លេមេគង្គ។ ខណៈនោះកម្លាំងសហគមន៍ ក៏បានបើកទូកសម្រុក ទៅបង្ក្រាបធ្វើឱ្យអ្នកប្រព្រឹត្តបទល្មើស ភ័យនាំគ្នារត់គេចខ្លួនបាត់ស្រមោល។
បេីតាមការបញ្ជាក់ពីមន្រ្តីសហគមន៍នេសាទ បានឲ្យដឹងថា៖ សហគមន៍កោះស្រឡៅ បានសហការជាមួយ សហគមន៍កោះកន្ធាយ និងសហគមន៍កោះកី បានធ្វើការដេញបង្ក្រាបបទល្មើសបាន មួយករណី ជាមួយនោះ ដកហូតបានវត្ថុតាង មានទូកឈើ ពីគន្លាក់មួយគ្រឿង, ម៉ាស៊ីន ហ៊ីណូតា ២០ សេស មួយគ្រឿង, ឧបករណ៍ឆក់ត្រជាក់មួយគ្រឿង, កន្ត្រងដួសត្រី ចំនួន ២, ត្រីប្រហែល ៣០ គីឡូ។ ដោយឡែក ជនប្រព្រឹត្តបទល្មើស បានរត់គេចខ្លួនបាត់ស្រមោល។
ក្រោយប្រតិបត្តការ កម្លាំងជំនាញបានដកហូតវត្ថុតាងទាំងអស់រួចបញ្ជូនទៅកាន់ មន្រ្តីជំនាញខណ្ឌរដ្ឋបាលជលផលស្ទឹងត្រែង ដើម្បីបន្តនីតិវិធីច្បាប់៕ដោយ៖សហការី
