សារព័ត៌មាន នគរវត្ត តែងតែនាំមុខគេជានិច្ច
ក្រុមបិសាចក្រហម Manchester United ពិតជាធ្វើបានល្អណាស់សម្រាប់ការប្រកួតនៅយប់មិញ ដោយយកឈ្នះលើក្រុម Spurs ក្នុងលទ្ធផល ៣–១ ។
ក្រុម Spurs ជាអ្នកបើកការនាំមុខមុនទៅលើក្រុម Man Utd នៅតង់ទី១នៅនាទីទី៤០ដោយកីឡាករ son Heung-min ។
តែឈានចូលដល់តង់ទី២វិញ ស្រាប់តែក្រុមបិសាច ធ្វើបានល្អណាស់ ដោយរកគ្រាប់បាល់តាមស្មើបានពីសំណាក់កីឡាករ Fredនៅនាទីទី៥៧ និងថែម២គ្រាប់ទៀត ដោយ Cavaniនៅនាទីទី៧៩ និង Greenwoodនៅនាទីទី៩០+៦នៅម៉ោងបន្ថែម ។ ចប់ការប្រកួត Spurs បរាជ័យក្នុងលទ្ធផល ៣–១ ក្រោមថ្វីជើងរបស់ក្រុមបិសាចក្រហម Manchester United ។
បាន៣ពិន្ទុបន្ថែមទៀតនេះ ក្រុម Man Utd អាចរក្សាចំណាត់ថ្នាក់លេខ២ក្នុងតារាង Premier League បានដោយសុវត្ថិភាពហើយ និងចាញ់ពិន្ទុក្រុមលេខ១ Man City ចំនួន១១ពិន្ទុដោយក្រុមបិសាចក្រហមMan Utdនៅសល់១ប្រកួតទៀតនៅក្នុងដៃ៕
ដោយ៖ សហការី
