សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ពិតជាព្រហេីនខ្លាំងណាស់ដែលជនសង្ស័យម្នាក់ហ៊ានយកថ្នាំញៀនជាច្រេីនកញ្ចប់ឆ្លងកាត់គោលដៅបិទខ្ទប់រាជធានីភ្នំពេញ នៃភូមិសាស្ត្រខណ្ឌដង្កោ ត្រូវបានកម្លាំងបស់គណៈបញ្ជាការឯកភាពខណ្ឌដង្កោធ្វេីការឃាត់ខ្លួនកាលវេលាម៉ោង១៤និង៣០នាទី ថ្ងៃទី១៨ ខែមេសា ឆ្នាំ២០២១នៅចំណុចផ្លូវជាតិលេខ៣ ស្ថិតក្នុងភូមិក្រាំងពង្រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យម្នាក់ដែលឃាត់ខ្លួនមានឈ្មោះ ឆិល ប៉ាវចិន ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ស្ថិតនៅភូមិ ទួលពង្រ សង្កាត់ចោមចៅ២ ខណ្ឌពោធិសែនជ័យ រាជធានីភ្នំពេញ ។
ចំណែកវត្ថុតាងចាប់យកមានម្សៅក្រាមសថ្លាចំនួន១៣ថង់(ធំល្មមចំនួន៣ថង់,តូចចំនួន១០ថង់ , ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខភ្នំពេញ1HP-1074 ចំនួន ១គ្រឿង , ថង់សម្រាប់ច្រកថ្នាំញៀនមួយចំនួន, សម្ភារសម្រាប់ប្រើប្រាស់គ្រឿងញៀន១ចំនួន, ទូរស័ព្ទដៃម៉ាកVIVOពណ៌ខ្មៅចំនួន១គ្រឿង។
សមត្ថកិច្ចបានឲ្យដឹងទៀតថា កាលពីថ្ងៃទី១៨ ខែមេសា ឆ្នាំ២០២១ កម្លាំងបស់គណៈបញ្ជាការឯកភាពខណ្ឌដង្កោ បានដាក់គោលដៅបិទខ្ទប់រាជធានីភ្នំពេញ ត្រង់ចំណុចផ្លូវជាតិលេខ៣ ស្ថិតភូមិក្រាំងពង្រ សង្កាត់ក្រាំងពង្រ ខណ្ឌដង្កោ រាជធានីភ្នំពេញ ។ លុះដល់វេលាម៉ោង១៤និង៣០នាទី ថ្ងៃខែឆ្នាំដដែល ក៏មានជនសង្ស័យខាងលេីជិះម៉ូតូមួយគ្រឿង ទិសដៅពីជើងទៅត្បូង ឆ្លងកាត់គោលដៅបិទខ្ទប់ ដោយមានការសង្ស័យសមត្ថកិច្ចបានធ្វើការត្រួតពិនិត្យឆែកឆេរ រកឃើញក្រាមសថ្លាចំនួន១៣ថង់(ធំល្មមចំនួន០៣ថង់,តូចចំនួន១០ថង់ ដាក់នៅក្នុងសំបកPOWER BAND ទុកក្នុងហោប៉ៅខោមុខខាងស្តាំរបស់ជនសង្ស័យខាងលើ ហើយក៍សមត្ថកិច្ចឃាត់ខ្លួនយកមកធ្វើការសាកសួរតាមនីតិវិធីច្បាប់តែម្ដង ៕
ដោយ ៖ ភារ៉ា ដង្កោ
