សេចក្តីជូនដំណឹង ៖ ស្តីពីផ្អាកការចាក់វ៉ាក់សាំងសុីណូវ៉ាក់ (Sinovac) បង្ការជំងឺកូវីដ-១៩ សម្រាប់ដូសទី២ ជូនថ្នាក់ដឹកនាំ មន្រ្តីរាជការ និងមន្រ្តីកិច្ចសន្យា នៅទីស្តីការក្រសួងធនធានទឹក និងឧតុនិយម (ក្បាលថ្នល់)

ភ្នំពេញ៖ យោង៖ សេចក្តីជូនដំណឹងចុះថ្ងៃទី ១៦ ខែ មេសា ឆ្នាំ ២០២១ ស្តីពីយុទ្ធនាការវាក់សាំងស៊ីណូវ៉ាក់ បង្ការជំងឺកូវីដ-១៩ សម្រាប់ដូសទី២ ជូនថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យា នៃក្រសួងធនធានទឹក និងឧតុនិយម។

អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខ័ណ្ឌក្រសួងធនធានទឹក និង ឧតុនិយម សូមជូនដំណឹងដល់ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាក្រោមឱវាទក្រសួង ទាំងអស់ជ្រាបថា កម្មវិធីចាក់វ៉ាក់សាំងស៊ីណូវ៉ាក់ (Sinovac) បង្ការជំងឺកូវីដ-១៩ សម្រាប់ដូសទី២ ដែលគ្រោង នឹងប្រព្រឹត្តទៅចាប់ពីថ្ងៃទី២០-២២ ខែ មេសា ឆ្នាំ ២០២១ នៅទីស្តីការក្រសួងធនធានទឹក និងឧតុនិយម ក្បាលថ្នល់) ត្រូវបានផ្អាកជាបណ្ដោះអាសន្ន ។ អនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ( ក្នុងក្របខ័ណ្ឌក្រសួងធនធានទឹក និងឧតុនិយម នឹងជូនដំណឹងសារជាថ្មី បន្ទាប់ពីមានការណែនាំ ពីគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខ័ណ្ឌទូទាំងប្រទេស ។

អាស្រ័យហេតុដូចបានជម្រាបជូនខាងលើ សូម អស់លោក លោកស្រី ជាថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាក្រោមឱវាទក្រសួងទាំងអស់ មេត្តាជ្រាប និងអនុវត្ត ឲ្យមានប្រសិទ្ធភាពខ្ពស់៕

ដោយ៖ សុខ ខេមរា