សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី៖ អភិបាលខេត្តមណ្ឌលគិរី ដឹកនាំមន្រ្តីជំនាញ និងមេបញ្ជាការកងកម្លាំងប្រដាប់អាវុធទាំងបីប្រភេទ អញ្ជើញចុះពិនិត្យមើលវឌ្ឍនភាពរបស់ក្រុមហ៊ុនចំនួនពីរ ក្នុងស្រុកកោះញែក និងនាំយកនូវគ្រឿងឧបភោគបរិភោគមួយចំនួនប្រគល់ជូនរដ្ឋបាលស្រុកកោះញែក។
នាថ្ងៃអាទិត្យ ៦រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី ២ ខែឧសភា ឆ្នាំ២០២១ លោកស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី អមដំណើរដោយ លោកនាយក នាយករងរដ្ឋសាលាខេត្ត ,មេបញ្ជាការកងកម្លាំងប្រដាប់អាវុធទាំងបី ថ្នាក់ដឹកនាំមន្ទីរអង្គភាពពាក់ព័ន្ធ និងអាជ្ញាធរស្រុកកោះញែក អញ្ជើញចុះពិនិត្យមើលវឌ្ឍនភាពរបស់ក្រុមហ៊ុន លឹមរ៉ូយ៉ាល់ ជញស្តុក ខមភេនី និងក្រុមហ៊ុន ណេងណា អ៊ិនវេសមេន ឯ.ក ស្ថិតនៅស្រុកកោះញែក ខេត្តមណ្ឌលគិរី ។
បន្ទាប់ពីនោះ លោកអភិបាល នៃគណៈអភិបាលខេត្ត យកនូវគ្រឿងឧបភោគបរិភោគមួយចំនួនប្រគល់ជូនរដ្ឋបាលស្រុកកោះញែកសម្រាប់ចែកជូនដល់បងប្អូនប្រជាពលរដ្ឋដែលបានធ្វើចត្តឡីស័កនេះផងដែរ៕
ដោយ៖ សូរិយា
