សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី០៨ ខែឧសភា ឆ្នាំ២០២១ នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព បានអញ្ជើញចុះនិពិត្យទីតាំងត្រៀមចាក់វ៉ាក់សាំងការពារកូវីដ-១៩ ដោយបានណែនាំដល់ក្រុមគ្រូពេទ្យរបស់មជ្ឈមណ្ឌលជាតិ តាមការស្មើពីក្រសួងការពារជាតិ ទទួលចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋក្នុងតំបន់ក្រហម ក្នុងសង្កាត់បឹងសាឡាង ខណ្ឌទទួលគោក រាជធានីភ្នំពេញដើម្បីត្រៀមរៀបចំកន្លែងឲ្យបានរៀបរយ។
នាយឧត្តមសេនីយ៍ សែម សុវណ្ណនី បានបញ្ជាក់ថា ថ្ងៃទី៩ ខែឧសភា ឆ្នាំ២០២១ ស្អែកនឹងចាប់ផ្តើមចាក់វ៉ាក់សាំងជូនប្រជាពលរដ្ឋក្នុងទីតាំងដែលស្ថិតនៅក្បែរស្តុបផ្សារដើមគរ ផ្លូវចូលសង្កាត់បឹងសាឡាងតាមបទបញ្ជារបស់ប្រមុខរាជរដ្ឋាភិបាល និងក្រសួងការពារជាតិ ។
ដូច្នេះ សូមបងប្អូនដែលបានមកទទួលចាក់វ៉ាក់សាំងទាំងអស់ត្រូវគោពគោលការណ៍របស់ក្រសួងសុខាភិបាល ដោយរក្សាគម្លាត និងប្រកាន់ភ្ជាប់ ៣កុំ ៣ការពារ ឱ្យបានល្អគ្រប់គ្នា និងក្រុមគ្រូពេទ្យត្រូវយកចិត្តទុកដាក់បំពេញការងារដោយការប្រុងប្រយ័ត្នខ្ពស់ ៕
ដោយ៖ សូរិយា
