សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ បុរសម្នាក់បានស្លាប់ភ្លាមៗនៅកន្លែងកើតហេតុដោយសារជិះម៉ូតូក្នុងស្ថានភាពផ្លូវកោងហើយល្បឿនលឿនរេចង្កូតទៅបុកនិងបង្គោលសញ្ញាផ្លូវកោងយ៉ាងពេញទំហឹងតែម្តង។
ហេតុការណ៍គ្រោះថ្នាក់ចរាចរណ៍បង្ករឡើងដោយខ្លួនឯងនោះបានកើតឡើងនៅវេលាម៉ោង៥៖៣០នាទីព្រឹកថ្ងៃទី១៣ ខែឧសភា ឆ្នាំ២០២១ ត្រង់ចំណុចផ្លូវកោងស្ថិតក្នុងភូមិស្រែស្បូវ ឃុំក្បាលដំរី ស្រុកសំបូរ ខេត្តក្រចេះ។
ជនរងគ្រោះឈ្មោះ តាំង ឡាលីន ភេទប្រុស អាយុ៤១ឆ្នាំ មានទីលំនៅភូមិសួងលិចឃុំសួង ស្រុកត្បូងឃ្មុំ ខេត្តត្បូងឃ្មុំ។
ជនរងគោះជិះម៉ូតូម៉ាកវ៉េវពណ៌ខ្មៅអត់ស្លាកលេខនៅលើផ្លូវជាតិក្រចេះ-ស្ទឹងត្រែងក្នុងទិសដៅពីជើងទៅត្បូង ពេលមកដល់ចំណុចកើតហេតុស្ថានភាពផ្លូវកោងក៏រេចង្កូតទៅបុកនឹងបង្គោលសញ្ញាផ្លូវកោងបណ្តាលឱ្យបាក់កស្លាប់តែម្តង។
សាកសពត្រូវបានក្រុមគ្រួសារយកទៅធ្វើបុណ្យនៅភូមិកំណើតសួងត្បូងឃ្មុំ៕
ដោយ ៖ ជីវ័ន្ត
