សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កម្លាំងនគរបាលស្រុកសំពៅលូនបានឃាត់ខ្លួនជនសង្ស័យម្នាក់ ពាក់ព័ន្ធនឹងករណីប្រទូស្តកេរ្តិ៍ខ្មាស លើក្មេងស្រីអាយុ៥ឆ្នាំម្នាក់ ។ហេតុការណ៍នេះកើតឡើងកាលពីថ្ងៃទី២០ ខែឧសភា ឆ្នាំ២០២១ នៅភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។
សមត្ថកិច្ចបានឲ្យដឹងថា ជនដៃដល់ល្មោភកាមម្នាក់នេះឈ្មោះ ទូច ចាន់ណេត ហៅ យ៉េត ភេទប្រុស អាយុ៣២ឆ្នាំ មានទីលំនៅភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង។
បុរសនេះបានធ្វើសកម្មភាពប្រទូស្តកេរ្តិ៍ខ្មាសលើក្មេងស្រីទើបអាយុ៥ឆ្នាំ ខណៈដែលជនរងគ្រោះងូតទឹកក្នុង បន្ទប់ទឹកម្នាក់ឯង ចំណែកជីដូនរបស់ជនរងគ្រោះមិននៅផ្ទះ និង ជីតាជនរងគ្រោះនៅផ្ទះ តែផឹកស្រាស្រវឹងជោក។ នៅពេលឃើញឱកាសល្អបែបនេះ ទើបជនសង្ស័យឆ្លៀតធ្វើសកម្មភាពចូលលូកស្ទាបអង្អែលប្រដាប់ភេទ របស់ជនរងគ្រោះ អាយុ៥ឆ្នាំ រស់នៅភូមិ.ឃុំជាមួយគ្នា។ ក្រោយដឹងរឿងនេះម្តាយក្មេងស្រីរងគ្រោះទៅដាក់ពាក្យបណ្តឹងនៅអធិការដ្ឋាននគរបាលស្រុកសំពៅលូន ទើបសមត្ថកិច្ចឈានទៅឃាត់ខ្លួនជនល្មោភកាមនោះដើម្បីបញ្ជូនទៅតុលាការចាត់ការតាមផ្លូវច្បាប់៕
ដោយ ៖ ប្រាថ្នា
