សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមការបញ្ជាក់ពីម្ចាស់រថយន្តស្ព័រស៊េរីទំនើបមួយគ្រឿង ពណ៌លឿង ពាក់ស្លាកលេខកម្ពុជា HENG-0809 បានបញ្ជាក់ថា បន្ទាប់ពីកម្លាំងសមត្ថកិច្ចខណ្ឌឬស្សីកែវ ចុះប្រតិបត្តិការដាក់គោលដៅត្រួតពិនិត្យយានយន្តកែឆ្នៃបំពង់សុីមុំាង(ប្រែន)ខុសបច្ចេកទេស កាលពីម្សិលមិញនេះ ត្រូវបានសមត្ថកិច្ចទទួលស្គាល់ថា៖ រថយន្តស្ព័រស៊េរីទំនើបមួយនេះ គឺមានលក្ខណៈបច្ចេកទេសត្រឹមត្រូវ ព្រោះជំហ៊ានដំបូងឡេីយយល់ច្រឡំស្មានតែរថយន្តកែច្នៃ។
គួរជម្រាបថា កាលពីថ្ងៃទី២៩ ខែឧសភា ឆ្នាំ២០២១ វេលាម៉ោង៥ និង៣០នាទីល្ងាច កម្លាំងអធិការដ្ឋាននគរបាលខណ្ឌឬស្សីកែវ បានដាក់គោលដៅស្ទាក់ឃាត់ម៉ូតូកែឆ្នៃបំពង់សុីមុាំង(ប្រែន)នៅតាមបណ្តោយផ្លូវលេខ១០០៣ ក្នុងមូលដ្ឋានខណ្ឌឬស្សីកែវ រាជធានីភ្នំពេញ។
ក្នុងប្រតិបត្តិការនោះលោក វរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានប្រាប់ឲ្យដឹងថា ជាលទ្ធផលអធិការដ្ឋានឃាត់ម៉ូតូបំពង់សុីមុាំងកែឆ្នៃ(ប្រែន)ចំនួន៣គ្រឿង និងរថយន្តចំនួួន២គ្រឿង ចំពោះរថយន្តបានបញ្ជូនទៅរក្សាទុកនៅការិយាល័យចរាចរណ៍ជើងគោក។ ដោយឡែកនៅចំពោះមុខអធិការដ្ឋាន បានរក្សាទុកនៅអធិការដ្ឋានខណ្ឌរងចាំមានបទបញ្ជាថ្មីទើបមានដំណោះស្រាយ។
ជុំវិញករណីខាងលេីនេះ បេីតាមការលេីកឡេីងរបស់ប្រជាពលរដ្ឋទូទៅ បាននិយាយថា សមត្ថកិច្ចគួរតែសហការជាមួយមន្រ្តីជំនាញ ផ្នែកត្រួតពិនិត្យយានយន្តកែច្នៃ នៅពេលចុះប្រតិបត្តិការ ព្រោះកុំឲ្យមានការយល់ច្រឡំដូចខាងលើនេះ។ ប៉ុន្តែពួកគាត់ បានគាំទ្រនូវចំណាត់ការរបស់សមត្ថកិច្ច ដែលអនុវត្តច្បាប់ក្នុងការបង្រ្កាបរថយន្ត និងម៉ូតូ ណាដែលកែច្នៃខុសបច្ចេកទេសផងដែរ៕
ដោយ ៖ សហការី
