សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ គ្រឿងឧបភោគបរិភោគ និងសម្ភារប្រយុទ្ធប្រឆាំងជំងឺកូវីដ-១៩ ត្រូវបានលោក តូច ប៉ូលីវ៉ា អនុប្រធានក្រុមការងារចុះមូលដ្ឋានស្រុករំដួល និងជាប្រធានក្រុមការងារចុះមូលដ្ឋានឃុំថ្នាធ្នង់ អមដំណើរជាមួយ លោក រាណ សុវណ្ណារិទ្ធិ លោក ពៅ សុធារិន អនុប្រធានក្រុមការងារបានយកមកប្រគល់ជូនរដ្ឋបាលឃុំថ្នាធ្នង់ ដើម្បីចាត់ចែង ដល់មណ្ឌលចត្តាឡីស័កឃុំ ជូនដល់ពលករមកពីក្រៅប្រទេស និង កម្មករ កម្មការិនី កំពុងធ្វើចត្តាឡីស័ក នៅសាលាបឋមសិក្សាវត្តធ្នង់នាថ្ងៃអាទិត្យ ៤រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ត្រូវនឹងថ្ងៃទី៣០ ខែឧសភា ឆ្នាំ២០២១។
លោក តូច ប៉ូលីវ៉ា អនុប្រធានក្រុមការងារចុះមូលដ្ឋានស្រុករំដួល និងជាប្រធានក្រុមការងារចុះមូលដ្ឋានឃុំថ្នាធ្នង់បានឱ្យដឹងថាសម្ភារដែលយកមកប្រគល់នាពេលនេះរួមមាន៖ ទឹកសុទ្ធ ២០០យួរ អង្ករ ៥បេ (១០០គីឡូក្រាម) មីម៉ាម៉ា ៦កេស ត្រីខ ៥០កំប៉ុង ទឹកត្រី ២យួរ ទឹកសុីអុីវ ២យួរ សាប៊ូ ១០០ដុំ ម៉ាស់ ៥០ប្រអប់ ទឹកសំលាប់មេរោគ ២កាន (៦០លីត្រ) អាល់កុល ១កាន (៣០លីត្រ) ដបអាល់កុល ៥០ដប។
ក្នុងឱកាសនោះលោក តូច ប៉ូលីវ៉ា ក៏បានស្នើដល់អាជ្ញាធរឃុំថ្នាធ្នង់ និងមន្ដ្រីពាក់ព័ន្ធទាំងអស់ ត្រូវតែបន្ដយកចិត្តទុកដាក់ពិនិត្យ និងតាមដានជាប្រចាំ ចំពោះបងប្អូនពលករមកពីក្រៅប្រទេស និង កម្មករ កម្មការិនី កំពុងធ្វើចត្តាឡីស័ក ដែលបានប៉ះពាល់ដោយផ្ទាល់ និងប្រយោល ក្នុងព្រឹត្តិការណ៍សហគមន៍២០កុម្ភៈនេះ ដើម្បីឲ្យរួមគ្នាបង្ការ និងទប់ស្កាត់ការឆ្លងរីករាលដាល នៃជំងឺកូវីដ-១៩ឲ្យកាន់តែមានប្រសិទ្ធភាពខ្ពស់។
លោកក៏ បានសំណូមពរដល់ពលករមកពីក្រៅប្រទេស និង កម្មករ កម្មការិនី ដែលកំពុងធ្វើចត្តាឡីស័ក នៅសាលាបឋមសិក្សាវត្តធ្នង់នេះ ចូលរួមការប្រយុទ្ធប្រឆាំងនៃការរីករាលដាលជំងឺកូវីដ-១៩ ដោយអនុវត្តតាមការណែនាំ ៣កុំ ៣ការពារ ឱ្យជាប់ជានិច្ចតាមអនុសាសន៍របស់សម្ដេចអគ្គមហាសេនាបតីតេជោ ហ៊ុនសែន និងតាមវិធានក្រសួងសុខាភិបាលផងដែរ។
បន្ទាប់មកលោក តូច ប៉ូលីវ៉ា អនុប្រធានក្រុមការងារចុះមូលដ្ឋានស្រុករំដួល និងជាប្រធានក្រុមការងារចុះមូលដ្ឋានឃុំថ្នាធ្នង់ លោក រាណ សុវណ្ណារិទ្ធិ លោក ពៅ សុធារិន អនុប្រធានក្រុមការងារក៏បានអញ្ជើញចុះពិនិត្យមើលការជួលជុលទីស្នាក់ការគណបក្សឃុំថ្នាធ្នង់ផងដែរ ៕
ដោយ៖ យឹម សុថាន
