សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រោះថ្នាក់ចរាចរណ៍មួយបានកេីតឡេីងដោយភាគីទាំងសងខាងបេីកបរក្នុងល្បឿនលឿនដូចគ្នា ដោយមិនប្រយ័ត្ននៅត្រង់ចំណុចផ្លូវបំបែកជាបួន បណ្តាលអោយរងការខាតខូចរថយន្ត និងម៉ូតូ ព្រមទាំងរងរបួសជនជាតិបរទេសម្នាក់បែកក្បាល។
ហេតុការគ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង ១និង៤០នាទីរសៀល ថ្ងៃទី០៣ ខែមិថុនា ឆ្នាំ២០២១ ដែលស្ថិតនៅត្រង់ចំណុចផ្លូវ១៣ កែងផ្លូវ១០៦ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
យោងតាមប្រភព័ត៌មានពីសាក្សីនៅកន្លែងកេីតហេតុការណ៍បានប្រាប់អោយដឹងថា នៅមុនពេលកេីតហេតុ គេបានឃេីញរថយន្ត មួយគ្រឿង ម៉ាក លុចស៊ីស LS460L ពណ៌ខ្មៅ ពាក់ស្លាកលេខ ភ្នំពេញ 2W-9999 បានបេីកបរក្នុងទិសដៅពីកេីតទៅលិច ក្នុងល្បឿនលឿន ខណៈពេលធ្វេីដំណេីរមកដល់ចំណុចផ្លូវ១៣ កែងផ្លូវ១០៦ ស្រាប់តែ មានម៉ូតូ មួយគ្រឿង ម៉ាក PCX ពណ៌ក្រហម ពាក់ស្លាកលេខ ភ្នំពេញ 1IQ-3774 បេីកបរក្នុងទិសដៅពីជេីងទៅត្បូង ក្នុងល្បឿនលឿនដូចគ្នា ដោយមិនបានប្រុងប្រយ័ត្នក៏បុកគ្នាបណ្តាលអោយភាគីខាងម៉ូតូរងរបួសបែកក្បាលផ្នែកខាងក្រោយ។ ក្រោយពេល កេីតហេតុការណ៍សមត្ថកិច្ចមូលដ្ឋានបានចុះមកដល់ទីតាំងខាងលេី និងបានទាក់ទងទៅរថយន្តសង្គ្រោះបន្ទាន់ ដេីម្បីដឹកយកទៅសង្គ្រោះបន្ទាន់។ក្រោយមក សមត្ថកិច្ចជំនាញបានទាក់ទងទៅការិយាល័យនគរបាលចរាចរណ៍ជេីងគោក នៃស្នងការនគរបាលរាជធានីភ្នំពេញ ដេីម្បីចុះមកធ្វេីការវាស់វែងយករថយន្ត និងម៉ូតូខាងលេីទៅរក្សាទុកនៅការិយាល័យជំនាញ ដេីម្បីរង់ចាំដោះស្រាយគ្នាតាមផ្លូវច្បាប់ផងដែរ៕
ដោយ ៖ រ៉ារ៉ា
