សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ បុរសម្នាក់បានបើកម៉ូតូដឹកឈើហើយដួលម៉ូតូដោយខ្លួនឯងត្រូវឈើសង្កត់លើរហូតដល់ស្លាប់យ៉ាងអាណោចអាធ័មបំផុត។
ហេតុការណ៍បើកម៉ូតូដឹកឈើដួលបង្កដោយខ្លួនឯងបណ្ដាលឱ្យស្លាប់នេះបានកើតឡើងកាលពីវេលាម៉ោង៥:១០នាទីព្រឹកថ្ងៃទី០៤ ខែមិថុនាឆ្នាំ២០២១នៅលេីផ្លូវលំ ស្ថិតក្នុងភូមិយាវឃុំកំពង់ចាម ស្រុកសំបូរ ខេត្តក្រចេះ។
ជនរងគ្រោះឈ្មោះ អ៊ុល អ៊ន ភេទប្រុសអាយុ២៣ឆ្នាំ ជនជាតិខ្មែរ មានទីលំនៅភូមិឃុំកើតហេតុខាងលើ។
ម៉ូតូដែលជនរងគ្រោះបើកម៉ាកវ៉េវអាល់ហ្វា ពណ៌ខ្មៅ អត់ស្លាកលេខ ដឹកឈេីប្រភេទសុក្រំ។
ក្រោយកើតហេតុសាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕
ដោយ ៖ ជីវ័ន្ត
