សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានប្រទះឃេីញសពក្មេងប្រុសអាយុ៨ឆ្នាំម្នាក់អណ្តែតក្នុងទឹកស្រះមួយកន្លែងស្ថិតក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង១២និង៥០នាទីរសៀល ថ្ងៃទី៤ ខែមិថុនា ឆ្នាំ២០២១ ។
ក្មេងប្រុសរងគ្រោះត្រូវបានគេស្គាល់ឈ្មោះឡុង អាយុ៨ឆ្នាំ រស់នៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។តាមប្រភពព័ត៌មានពីកន្លែងកេីតហេតុបានឱ្យដឹងថា ក្មេងប្រុសរងគ្រោះខាងលេី បានបាត់ខ្លួនអស់រយៈពេលមួយយប់ទៅហេីយដោយមិនដឹងជាទៅណា ទោះបីបងប្អូនឪពុកម្តាយខំដើររកក៏រកមិនឃេីញ រហូតមកដល់វេលាកេីតហេតុស្រាប់តែប្រជាពលរដ្ឋធ្វេីដំណេីរឆ្លងកាត់ទីនោះបានប្រទះឃេីញសពអណ្តែតក្នុងស្រះបាត់ទៅហេីយ ទេីបរាយការណ៍ទៅសមត្ថកិច្ចចុះមកពិនិត្យជាក់ស្តែងនិងប្រគល់សពទៅក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖ សុខាសែនជ័យ
