សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ កម្លាំងនគរបាលជំនាញ ផ្នែកយុត្តិធម៌សហការជាមួយកម្លាំងនគរបាលប៉ុស្តិ៍អូរតាគី នៃអធិការដ្ឋាននគរបាលស្រុកថ្មគោល បានបង្ក្រាបនិងឃាត់ខ្លួនយុវជនម្នាក់ដែលរួមភេទជាមួយអនីតិជនអាយុក្រោម១៥ឆ្នាំ តាមបណ្តឹងរបស់អាណាព្យាបាលក្មេងស្រីរងគ្រោះ ។
មន្រ្តីនគរបាលព្រហ្មទណ្ឌស្រុកថ្មគោលបានឲ្យដឹងថាជនសង្ស័យឈ្មោះ ធី សុខឿត ហៅ ផៃ ភេទប្រុស អាយុ២០ឆ្នាំ រស់នៅភូមិត្រស់ ឃុំអូរតាគី ស្រុកថ្មគោល ត្រូវឃាត់ខ្លួនកាលពីរសៀលថ្ងៃទី៦ ខែមិថុនា ឆ្នាំ២០២១ នៅចំណុចជនសង្ស័យរស់នៅខាងលើ។តាមបណ្តឹងបានបញ្ជាក់ថាជនសង្ស័យបានធ្វើសកម្មភាពរំលោភសេពសន្ថវៈជាមួយជនរងគ្រោះជាអនីតិជនអាយុ១៤ឆ្នាំ រស់នៅភូមិព្រៃទទឹង ឃុំអូរតាគី ស្រុកថ្មគោលបានសម្រេច កាលពីថ្ងៃទី៥ ខែមិថុនា ឆ្នាំ២០២១ វេលាមម៉ោងប្រមាណ៧យប់នៅចំណុចក្រុមទី១៥ ភូមិត្រស់ ឃុំអូរតាគី ស្រុកថ្មគោល ។ ដោយយោងតាមពាក្យបណ្តឹងនេះសមត្ថកិច្ចបានទៅឃាត់ខ្លួនជនសង្ស័យរូបនេះយកទៅសាកសួរហើយខ្លួនគេបានសារភាពថាពិតជាបានប្រព្រឹត្តសកម្មភាពខាងលើដូចការចោទប្រកាន់ប្រាកដមែន ។ ជនសង្ស័យត្រូវបាននគរបាលស្រុកថ្មគោល កសាងសំណុំរឿង បញ្ជូនទៅការិយាល័យជំនាញ ដើម្បីចាត់ការបន្តតាមនីតិវិធី ៕
ដោយ ៖ ប្រាថ្នា
