សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ រដ្ឋបាលក្រុងបាវិត ទទួលអំណោយគ្រឿងឧបភោគបរិភោគនិងសម្ភារប្រយុទ្ធប្រឆាំងជម្ងឺកូវីដ-១៩ពីនាយកក្រុមហ៊ុនហាយប្រ៊ីដហ្គាប៊ែឆ ។
ជាក់ស្ដែងនារសៀលថ្ងៃទី៧ខែមិថុនាឆ្នាំ២០២១ លោក លឹម សៀងហេង អភិបាលក្រុងបាវិតបានទទួលអំណោយគ្រឿងឧបភោគបរិភោគពីលោក គឹម ឡេង នាយកក្រុមហ៊ុនហាយប្រ៊ីដ ហ្គាប៊ែឆ ដែលសម្រាប់ចូលរួមចំណែក ក្នុងការប្រយុទ្ធប្រឆាំងការរីករាលដាលជម្ងឺកូវីដ-១៩ក្នុងក្រុងបាវិត។
លោក លឹម សៀងហេង អភិបាលក្រុងបាវិតបានថ្លែងអំណរគុណដល់លោក គឹម ឡេង នាយកក្រុមហ៊ុនហាយប្រ៊ីដ ហ្គាប៊ែឆ ដែលបានផ្ដល់ជូនអំណោយនាពេលនេះដោយ រដ្ឋបាលក្រុងបាវិតនឹងយកទៅចាត់ចែងប្រើប្រាស់ក្នុងសកម្មភាពនានា រួមទាំងយុទ្ធនាការផ្សព្វផ្សាយអប់រំនូវវិធានការបង្ការទប់ស្កាត់ការឆ្លងរាលដាលនៃជំងឺកូវីដ-១៩ ការងារមនុស្សធម៌ ជួយដល់ប្រជាពលរដ្ឋដែលមានជីវភាពខ្វះខាត និងអ្នកដែលកំពុងធ្វើចត្តាឡីស័កក្នុងក្រុងបាវិតផងដែរ។
លោកអភិបាលក្រុងបាន បន្ថែមថា ដើម្បីយកឈ្នះកូវីដ-១៩ សូមអស់លោកលោកស្រីបងប្អូនប្រជាពលរដ្ឋចូលរួមសហការអនុវត្តវិធានការ ៣ការពារ ៣កុំ ស្របតាមអនុសាសន៍ដ៏ខ្ពង់ខ្ពស់ របស់សម្ដេចតេជោ ហ៊ុន សែន នាយករដ្ឋមន្ត្រីឲ្យបានខ្ជាប់ខ្ជួនបំផុតពិសេសបើមិនចាំបាច់សូមកុំចេញពីផ្ទះ។
សូមបញ្ជាក់ថាអំណោយដែលទទួលបានពេលនេះរួមមានអង្ករ ៥០គីឡូក្រាម ត្រីខកំប៉ុង២កេស ទឹកស៊ីអុីវ២កេស មី ១០កេស ទឹកសុទ្ធ២០យួរ និងម៉ាស់ ២០ប្រអប់ ផងដែរ ៕
ដោយ៖ យឹម សុថាន
