សារព័ត៌មាន នគរវត្ត តែងតែនាំមុខគេជានិច្ច
ខ្សែការពារក្រុម Brighton កីឡាករ Ben White ត្រូវបានកោះហៅឱ្យមកជំនួសកីឡាករ Trent Alexander-Arnold ក្នុងក្រុមជម្រើសជាតិអង់គ្លេសសម្រាប់ព្រឹត្តិការណ៍យូរ៉ូ២០២០។
នេះបើយោងតាមការចេញផ្សាយរបស់ BBC Sport កាលពីថ្ងៃទី៧ មិថុនា។
កីឡាករវ័យ២៣ឆ្នាំរូបនេះបានបង្ហាញខ្លួនជាលើកដំបូងក្នុងការប្រកួតមិត្តភាពជាមួយក្រុមអូទ្រីស ក្នុងលទ្ធផល ១-០ កាលពីសប្តាហ៍មុន។ខ្សែការពារកណ្តាល Ben White បានចាប់ផ្តើមរួមជាមួយកីឡាករTyrone Mings ក្នុងជ័យជម្នះថ្ងៃអាទិត្យប្រឆាំងនឹងក្រុមរ៉ូម៉ានី។
ក្រុមរបស់លោក Gareth Southgate ត្រូវជួបក្រុមក្រូអាតនៅកីឡដ្ឋាន Wembley ក្នុងការប្រកួតបើកឆាកយូរ៉ូក្នុងពូល D របស់ពួកគេនៅថ្ងៃអាទិត្យនេះ។ អ្នកចាត់ការក្រុមជម្រើសជាតិអង់គ្លេសបានចំណាយពេលរបស់គាត់ដើម្បីសំរេចថា តើកីឡាករណាដែលអាចនឹងចូលលេងបានសម្រាប់ជំនួសខ្សែការពារស្លាបពេញរបស់ Liverpool គឺ Alexander-Arnold ដោយមានខ្សែការពាររបស់ក្រុម Everton កីឡាករ Ben Godfrey និងប្រធានក្រុម Southampton កីឡាករ James Ward-Prowse ។
ចំណែកកីឡាករ Jesse Lingard និង Ollie Watkins ក៏ស្ថិតនៅក្នុងបញ្ជីរង់ចាំផងដែរ។ Ben White មិនដែលចូលរួមក្នុងក្រុមជម្រើសជាតិអង់គ្លេសនៅកម្រិតណាមួយនោះទេ មុនពេលដែលគាត់ត្រូវបានគេហៅឱ្យចូលក្រុមឈុតធំ។
កីឡាករ Ben White បានឆ្លងកាត់ការលេងនៅក្លិបយុវជន Brighton និងបានខ្ចីជើងនៅក្រុម Newport County និង Peterborough មុនពេលចំណាយពេលមួយរដូវកាលដោយខ្ចីជើងនៅ Leeds ដែលគាត់បានជួយឈ្នះChampionship កាលពីឆ្នាំ២០១៩–២០២០។
ទោះបីជាក្រុម Leeds ចង់ផ្លាស់ប្តូរកីឡាកររបស់គាត់ជាអចិន្រ្តៃយ៍ក៏ដោយក៏ក្លិប Brighton មិនចង់លក់ទេ ហើយ White បានកោតសរសើរចំពោះក្រុមនៅ Premier League របស់លោក Graham Potter ដែលបានបង្ហាញខ្លួនចំនួន៣៩ដងនៅរដូវកាលនេះបន្ទាប់ពីបានចុះហត្ថលេខាលើកិច្ចសន្យា៤ឆ្នាំកាលពីខែកញ្ញា។
សម្រាប់លោក Southgate នៅតែមានការព្រួយបារម្ភអំពីបញ្ហាសុខភាពលើប្រធានក្រុម Manchester United កីឡាករ Harry Maguire និងប្រធានក្រុម Liverpool កីឡាករ Jordan Henderson ។
ខ្សែបម្រើ Henderson បានលេងនៅតង់ទី២ពេលប្រកួតជាមួយរ៉ូម៉ានីដោយខកខានបាល់ពិន័យ១១ម៉ែត្រ ខណៈដែលរូបគេបានវិលត្រឡប់ពីការសម្រាករយៈពេលជិត៤ខែបន្ទាប់ពីការវះកាត់ក្រលៀនកាលពីខែកុម្ភៈ។ ចំណែកខ្សែការពារកណ្តាល Maguire ទំនងជាមិនចូលរួមពេលប្រកួតជាមួយក្រូអាតទេ ទើបតែចាប់ផ្តើមហ្វឹកហាត់ទៀតបន្ទាប់ពីរងរបួសកជើងរបស់គាត់កាលពីខែមុន ៕ដោយ៖ ភារៈ
