សារព័ត៌មាន នគរវត្ត តែងតែនាំមុខគេជានិច្ច
កីឡាការិនីសញ្ជាតិក្រិក Maria Sakkari បានផ្តួលម្ចាស់ការពារតំណែងជើងឯកកីឡាការិនី Iga Swiatek ដើម្បីឈានដល់វគ្គពាក់កណ្តាលផ្តាច់ព្រ័ត្រ Grand Slam កម្មវិធី French Open នៅឯទីលាន Roland Garros ។
សារព័ត៌មាន BBC Sport និង CNA បានផ្សាយថា កីឡាករ Maria Sakkari នឹងត្រូវប្រឈមជាមួយកីឡាការិនីសញ្ជាតិឆេក BarboraKrejcikova ដែលបានទទួលជ័យជម្នះទៅលើកីឡាការិនីអាមេរិក Coco Gauff ក្នុងលទ្ធផល ៧-៦ (៨-៦) ៦-៣ ។
កីឡាការិនីវាយតឺន្នីស Sakkari ដែលឈរលំដាប់ទី១៧ ឥឡូវនេះគឺជាស្ត្រីដែលមានចំណាត់ថ្នាក់ខ្ពស់ជាងគេក្នុងការចាប់ឆ្នោតបន្ទាប់ពីបានយកឈ្នះកីឡាការិនី Swiatek ក្នុងលទ្ធផល ៦-៤ ៦-៤ ។
កីឡាការិនីវ័យ២៥ឆ្នាំរូបនេះបាននិយាយថា “ខ្ញុំមិនចេះនិយាយទេ វាជាសុបិនក្លាយជាការពិត។ វាជាអារម្មណ៍ល្អណាស់”។
ទន្ទឹមនឹងនេះដែរកីឡាការិនី Krejcikova បានសន្សំពិន្ទុចំនួន៥ពិន្ទុពីកីឡាការិនី Gauff វ័យ១៧ឆ្នាំនៅក្នុងការប្រកួតបើកឆាកមុនពេលដែលកីឡាការិនីលេខ៣៣ពិភពលោករូបនេះបានទទួលជ័យជម្នះលើពិន្ទុទី៦របស់នាង។ ចំណែកកីឡាការិនី Anastasia Pavlyuchenkova នឹងត្រូវជួបជាមួយ Tamara Zidansek នៅវគ្គពាក់កណ្តាលផ្ដាច់ព្រ័ត្រនៅថ្ងៃព្រហស្បតិ៍នេះដែរ ។
Krejcikova បាននិយាយថា “ខ្ញុំមិនដែលស្រមៃថាខ្ញុំនឹងឈរនៅទីនេះនៅថ្ងៃណាមួយនោះទេ។ សម្រាប់ខ្ញុំនេះគឺជាអ្វីដែលខ្ញុំមិនដែលនឹកស្រម៉ៃ។ ខ្ញុំពិតជាកំពុងលេងការប្រកួតដ៏អស្ចារ្យ ហើយ Coco Gauffពិតជាមិនគួរឱ្យជឿ នាងមានវ័យ១៧ឆ្នាំ ប៉ុន្តែលេងបានអស្ចារ្យណាស់” ។
សូមបញ្ជាក់ថា កីឡាការិនីដែលឈានដល់វគ្គពាក់កណ្តាលផ្តាច់ព្រ័ត្រនៅទីក្នុងប៉ារីសក្នុងកម្មវិធីខាងលើគឺសុទ្ធតែត្រូវបានឈានទៅប្រកួតវគ្គ៤នាក់ចុងក្រោយនៅកម្មវិធី Grand Slam ជាលើកដំបូងរបស់ខ្លួន ៕ដោយ៖ ភារៈ
