សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្ញរថយន្តស៊េរីទំនើបមួយគ្រឿងបើកលឿនប្រដេញវ៉ាជែងគ្នាតាមដងផ្លូវបណ្តាលឲ្យបួងចង្កូតទៅបុកខឿនចិញ្ចើមផ្លូវរងការខូចខាតយ៉ាងដំណំ ចំណែកអ្នកបើករថយន្តបានរត់គេចខ្លួនបាត់ដោយទុករថយន្តចោលនៅកណ្តាលផ្លូវ។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅម៉ោង១១យប់ថ្ងៃទី១៣ ខែមិថុនា ឆ្នាំ២០២១ ស្ថិតនៅតាមបណ្ដោយផ្លូវព្រះមុនីវង្ស ត្រង់ចំណុចភ្លើងស្តុបច្រមុះជ្រូកក្បាលថ្នល់ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ប្រភពព័ត៌មានពីសមត្ថកិច្ចប្រចាំគោលដៅនៅកន្លែងកើតហេតុបានឱ្យដឹងថា នៅមុនពេលកើតហេតុគាត់បានឃើញរថយន្តស៊េរីទំនើបមួយគ្រឿង ម៉ាកកាមរីហាយប្រ៊ីដ ពណ៌ខ្មៅ ពាក់ស្លាកលេខ ភ្នំពេញ 2S-6118 បើកបរដោយបុរសម្នាក់ និងមានអ្នករួមដំណើរជាមួយម្នាក់ទៀត ធ្វើដំណើរតាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូងដោយប្រើល្បឿន ប្រដេញជែងគ្នាពេញផ្លូវ ហើយក៏រេចង្កូតជ្រុលទៅបុកខឿនចិញ្ចើមផ្លូវពេញទំហឹងបណ្តាលឲ្យរថយន្តខូចខ្ទេចទៅមុខលែងរួច ចំណែកអ្នកបើករថយន្ត និងអ្នករួមដំណើរបានរត់គេចខ្លួនបាត់។
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់ហើយបានទំនាក់ទំនងទៅសមត្ថកិច្ចជំនាញចរាចរណ៍ក្រុងឱ្យចុះមកស្ទូចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយនៅពេលក្រោយ៕
ដោយ៖ជ្រោយពេជ្រ
