សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់មិនដឹងជាមានវិបត្តិអ្វីកេីតឡេីងដោះស្រាយមិនចេញនោះទេបានដាច់ចិត្តជិះម៉ូតូZOOMER-X មកលោតទឹកពីលើស្ពានព្រះមុនីវង្សចាស់សម្លាប់ខ្លួនបាត់ស្រមោល បន្សល់ទុកម៉ូតូមួយគ្រឿងនៅលេីស្ពាន បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង៨ និង៣០នាទីយប់ថ្ងៃចន្ទ ទី២១ ខែមិថុនា ឆ្នាំ២០២១ នៅចំណុចលើស្ពានព្រះមុនីវង្សចាស់ ក្នុងសង្កាត់ទន្លេបាសាក់ ខណ្ឌចំការមន ។
ជនរងគ្រោះដែលលោតទឹកសម្លាប់ខ្លួននោះនៅមិនទាន់ស្គាល់អត្តសញ្ញាណនៅឡើយទេ ។
តាមប្រភពព័ត៌មានពីកន្លែងកេីតហេតុបានឱ្យដឹងថា ដំបូងឡើយគេឃេីញមនុស្សប្រុសម្នាក់ដែលជាជនរងគ្រោះជិះម៉ូតូZOOMER-X ពណ៌ឈាមជ្រូកលាយខ្មៅ ពាក់ស្លាកលេខភ្នំពេញ1GV-1987 ធ្វេីដំណេីរនៅលេីស្ពានព្រះមុនីវង្សចាស់ ក្នុងទិសដៅពីកេីតទៅលិច (ពីច្បារអំពៅមកចំការមន) ខណៈជិះបានពាក់កណ្ដាលស្ពានត្រង់ចំណុចកេីតហេតុបុរសនោះក៏ឈប់ម៉ូតូ រួចឡើងលើបង្កាន់ដៃស្ពានលោតចូលទៅក្នុងទឹកលិចបាត់ឈឹងតែម្ដង ដោយបន្សល់ទុកម៉ូតូមួយគ្រឿងនៅលេីស្ពាន ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ព្រមទាំងសួរនាំព័ត៌មានជុំវិញកន្លែងកេីតហេតុ ហើយដោយជនរងគ្រោះបានលិចបាត់ទៅក្នុងទឹកទន្លេហេីយនោះ ទេីបសមត្ថកិច្ចមូលដ្ឋានយកម៉ូតូមួយគ្រឿងរបស់ជនរងគ្រោះនោះទៅរក្សាទុកនៅប៉ុស្ដិ៍នគរបាលរដ្ឋបាល ទន្លេបាសាក់ រងចាំក្រុមគ្រួសារយកឯកសារមកផ្ទៀងផ្ទាត់ទេីបប្រគល់ជូនវិញ ៕
ដោយ ៖ ភារ៉ា ដង្កោ
