សារព័ត៌មាន នគរវត្ត តែងតែនាំមុខគេជានិច្ច
យោងតាមការចេញផ្សាយរបស់ BBC Sport នៅព្រឹកថ្ងៃទី២៦ ខែមិថុនានេះបានឲ្យដឹងថា ខ្សែការពារ Kieran Tierney របស់ក្លិបកាំភ្លើងធំ Arsenal បានចុះកុងត្រាថ្មីជាមួយក្លិបនេះដើម្បីធ្វើឱ្យរូបគេនៅជាមួយក្លិបយូរអង្វែង។
កីឡាករអន្តរជាតិស្កុតឡេនវ័យ២៤ឆ្នាំរូបនេះបង្ហាញខ្លួនឲ្យក្រុម Arsenal បានចំនួន៦២ប្រកួតចាប់តាំងពីផ្ទេរពីក្លិប Celtic ក្នុងតម្លៃ ២៥ លានផោនក្នុងឆ្នាំ២០១៩ ។ កិច្ចព្រមព្រៀងត្រូវបានរាយការណ៍ថាមានរយៈពេល៥ឆ្នាំ។
នាយកបច្ចេកទេសរបស់ Arsenal លោក Edu បាននិយាយថា “អ្នកដែលបានឃើញគាត់លេងនឹងទទួលស្គាល់យ៉ាងឆាប់រហ័សថា គាត់គឺជាកីឡាករដែលមានសមត្ថភាពខ្ពស់ ប៉ុន្តែខ្ញុំអាចប្រាប់អ្នកថាគាត់ក៏ជាកីឡាករដែលមានអាកប្បកិរិយា និងចិត្តគំនិតល្អផងដែរ” ។
ក្រមសីលធម៌ការងាររបស់កីឡាកររូបនេះក៏ត្រូវបានកោតសរសើរដោយអ្នកចាត់ការក្រុមកាំភ្លើងធំ Arsenal លោក Mikel Arteta ដែលបានហៅគាត់ថា រីករាយក្នុងការធ្វើការជាមួយ ។
លោកអះអាងថា គុណភាពថាមពលការប្តេជ្ញាចិត្តនិងវិជ្ជាជីវៈរបស់គាត់មិនត្រឹមតែនៅថ្ងៃប្រកួតប៉ុណ្ណោះទេ ប៉ុន្តែរាល់ថ្ងៃក្នុងការបណ្តុះបណ្តាលតែងតែស្ថិតក្នុងកម្រិតខ្ពស់មួយ ៕ដោយ៖ ភារៈ
