ព័ត៌មានទាន់ហេតុការណ៍៖

ផ្សារអូឡាំពិក បានបិទខ្ទប់ទាំងស្រុងនាព្រឹកថ្ងៃទី២ ខែកក្កដា ឆ្នាំ២០២១នេះ !

ចែករំលែក៖

ភ្នំពេញ៖ ផ្សារអូឡាំពិក បានបិទខ្ទប់ទាំងស្រុងនាព្រឹកថ្ងៃទី២ ខែកក្កដា ឆ្នាំ២០២១នេះ ក្រោយពីបានរកឃើញអ្នកវិជ្ជមានកូវីដ១៩ ចំនួន១៨នាក់ ក្នុងនោះមានសន្តិសុខផ្សារចំនួន១៤នាក់ និងគណកម្មការផ្សារចំនួន៤នាក់។ បើតាមការបញ្ជាក់ពីអាជ្ញាធរ អ្នកទាំង១៨នាក់នេះ បានយកសំណាកកាលពីល្ងាចថ្ងៃទី១ ខែកក្កដា ឆ្នាំ២០២១ អ្នកទាំងនោះត្រូវបានយកទៅធ្វើចត្តាឡីស័កតាមមណ្ឌលចត្តាឡីស័កផងដែរ។

ទន្ទឹមនឹងនេះ អាជ្ញាធរបានប្រកាសឱ្យអាជីវករទាំងអស់នៅក្នុងផ្សារអូឡាំពិកទាំងអស់ ទៅយកសំណាកនៅវិទ្យាល័យទួលស្វាយព្រៃ។ 

សូមបញ្ជាក់ថា កាលពីព្រឹកមិញនេះគណៈកម្មការផ្សារអូឡាំពិក បានប្រកាសបិទផ្សារភ្លាមៗ ធ្វើឱ្យមានការភ្ញាក់ផ្អើលដល់អាជីវករលក់ដូរ ដោយបានសំរុកបិទតូបយ៉ាងប្រញាប់ប្រញាល់ ចំណែកអាជីវករខ្លះបានដឹកអីវ៉ាន់យ៉ាងលឿនសំដៅទៅផ្ទះរៀងៗខ្លួន។

សូមជម្រាបថា​ នៅក្នុង​សេចក្ដីជូនដំណឹងរបស់ក្រសួងសុខាភិបាល​ នៅថ្ងៃទី០១ ខែកក្កដា​​​ ឆ្នាំ​២០២១​ រកឃើញអ្នកឆ្លងថ្មី ៩៦៦នាក់ទៀត ជាសះស្បើយ នាក់ ៦៥០និងស្លាប់ ៣២នាក់៖

– ករណីឆ្លងសហគមន៍ ៧៧៤នាក់

– អ្នកដំណើរពីបរទេស ១៩២នាក់

គិតត្រឹមព្រឹក ថ្ងៃទី២ ខែកក្កដា ឆ្នាំ២០២១

– អ្នកឆ្លងសរុប= 52,350 នាក់

– អ្នកជាសះស្បើយ= 45,508 នាក់

– អ្នកស្លាប់= 660 នាក់ ៕

ដោយ ៖ សិលា


ចែករំលែក៖