សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រដ្ឋបាលខេត្តស្ទឹងត្រែង ចេញសេចក្ដីប្រកាសព័ត៌មាន ស្ដីពីការរកឃើញវិជ្ជមានជំងឺកូវីដ-១៩ ចំនួន ១៥នាក់ទៀត នៅថ្ងៃទី ០៣ ខែកក្កដា ឆ្នាំ២០២១។
សូមចូលរួមអនុវត្តវិធានការ «៣ការពារ និង៣កុំ» ឲ្យបានខ្ជាប់ខ្ជួនគ្រប់ៗគ្នា ជាពិសេសគឺការពាក់ម៉ាស និងលាងសម្អាតដៃនឹងអាល់កុល ឬសាប៊ូជាប់ជាប្រចាំ ព្រមទាំងរក្សាគម្លាតសុវត្ថិភាព។
រដ្ឋបាលខេត្ត សូមជម្រាបជូនដំណឹងដល់សាធារណជន ពុកម៉ែ បងប្អូនប្រជាពលរដ្ឋក្នុងខេត្តស្ទឹងត្រែង មេត្តាជ្រាបថា គិតត្រឹមវេលាម៉ោង ៥:០០នាទីល្ងាច ថ្ងៃទី ៣ ខែកក្កដា ឆ្នាំ២០២១នេះ ក្រុមគ្រូពេទ្យជំនាញ របស់មន្ទីរសុខាភិបាលនៃរដ្ឋបាលខេត្ត ប្រចាំនៅគោលដៅចំណុចព្រំប្រទល់ខេត្ត និងប្រចាំការឆ្លើយតបបន្ទាន់ តាមគោលដៅក្នុងខេត្ត បានពិនិត្យសុខភាព និងយកសំណាកវិភាគរហ័សអ្នកសង្ស័យពាក់ព័ន្ធជំងឺកូវីដ-១៩ ធ្វើដំណើរមកពីរាជធានី បណ្ដាខេត្តផ្សេងៗនិងអ្នកដែលមានការប៉ះពាល់ផ្ទាល់ជាមួយអ្នកវិជ្ជមានជំងឺកូវីដ-១៩ ក្នុងនោះបានរកឃើញអ្នកវិជ្ជមានជំងឺកូវីដ-១៩ សរុប ១៥នាក់ ស្រី ០៧នាក់ ដូចមានក្នុងបញ្ជីខាងក្រោម៖
អ្នកជំងឺខាងលើបានរៀបចំដាក់ឲ្យសម្រាកព្យាបាលនៅអគារព្យាបាលអ្នកជំងឺកូវីដ-១៩ (ចត្តាឡីស័កកម្រិត២ ថ្នាក់ខេត្ត)។ ក្រុមគ្រូពេទ្យជំនាញរបស់មន្ទីរសុខាភិបាលនៃរដ្ឋបាលខេត្ត កំពុងរកអ្នកប៉ះពាល់ជាមួយនឹងករណីវិជ្ជមានជំងឺកូវីដ-១៩ខាងលើ ដើម្បីយកសំណាកវិភាគតាមបច្ចេកទេស។
រដ្ឋបាលខេត្ត សូមអំពាវនាវដល់ប្រជាពលរដ្ឋដែលមានការពាក់ព័ន្ធ ឬប៉ះពាល់ជាមួយអ្នកវិជ្ជមានខាងលើនេះ សូមធ្វើការទំនាក់ទំនងបន្ទាន់មកក្រុមការងារគ្រូពេទ្យជំនាញតាមរយៈលេខទូរសព្ទ 088 636 3689 ឬ 088 877 8000 ឬ 017 788 000 ឬ 097 263 0564 ដើម្បីយកសំណាកវិភាគរកជំងឺកូវីដ-១៩។ សូមចូលរួមអនុវត្តវិធានការ «៣ការពារ និង៣កុំ» ឲ្យបានខ្ជាប់ខ្ជួនគ្រប់ៗគ្នា។ អាស្រ័យដូចបានជម្រាបជូនដំណឹងខាងលើនេះ សូមប្រជាពលរដ្ឋ សាធារណជន និងគ្រប់អ្នកពាក់ ព័ន្ធទទួលជ្រាប និងចូលរួមអនុវត្តវិធានការទប់ស្កាត់ការរាលដាលនៃជំងឺកវីដ-១៩ ឲ្យមានប្រសិទ្ធភាព៕
ដោយ ៖ សិលា
