សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ សូមអបអរសាទរផងចាប់ពីថ្ងៃស្អែកទី៨ខែកក្កដាឆ្នាំ២០២១ទៅបងប្អូនប្រជាពលរដ្ឋដែលមានទីលំនៅក្នុងក្រុងស្វាយរៀងចាប់ផ្តេីមចាក់វ៉ាក់សាំង ក្នុងសង្កាត់ទាំង៧ នៅក្រុងស្វាយរៀងនេះហើយ នេះបើយោងតាមរដ្ឋបាលខេត្តស្វាយរៀងបញ្ជាក់ឱ្យដឺង។
បើតាមលោក ណុប ចំរើន អភិបាលក្រុងស្វាយរៀងបានឱ្យដឹងថា ក្នុងក្រុងស្វាយរៀងមាន៧សង្កាត់ គឺសង្កាត់ស្វាយរៀង ព្រៃឆ្លាក់ ពោធិ៍តាហោ គយត្របែក ចេក សង្ឈ័រ និងសង្កាត់ស្វាយតឿ។ ដូច្នេះសូមបងប្អូនប្រជាពលរដ្ឋប្រញាប់ទៅទទួលការចាក់វ៉ាក់សាំងប្រឆាំងកូវីដ-១៩នេះឱ្យបានគ្រប់ៗគ្នា ចាប់ពីអាយុ១៨ឆ្នាំឡេីងទៅ ដោយវ៉ាក់សាំងចាប់ផ្ដើមចាក់នៅថ្ងៃទី៨ ខែកក្កដា ឆ្នាំ ២០២១)តាមទីតាំងដែលបានកំណត់វេលាម៉ោង៧និង៣០នាទីព្រឹករហូតដល់ម៉ោង១១និង៣០នាទី និងចាប់ពីម៉ោង១រសៀលដល់ម៉ោង៤រសៀល។
លោកបានជម្រាបជូនប្រជាពលរដ្ឋដែលមានទីលំនៅក្នុងក្រុងស្វាយរៀងទាំងអស់ថា ចំពោះបណ្ណចាក់វ៉ាក់សាំងត្រូវមានការអញ្ជេីញពីសង្កាត់ និងភូមិដែលខ្លួនកំពុងរស់នៅ ដោយបងប្អូនអញ្ជើញមកទទួលការចាក់វាក់សាំងសូមភ្ជាប់មកជាមួយនូវអត្តសញ្ញាណប័ណ្ណសញ្ជាតិខ្មែរលិខិតឆ្លងដែនឬបណ្ណសម្គាល់ការងារឬសំបុត្រកំណើត ទម្រង់ចាក់វ៉ាក់សាំងដែលផ្ដល់ជូនដោយក្រុមគ្រូពេទ្យតាមរយៈអាជ្ញាធរមូលដ្ឋាន៕
ដោយ៖ យឹម សុថាន
