សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈជិះម៉ូតូចេញពីធ្វេីការហើយពេលឈប់ភ្លើងស្តុបពណ៌ក្រហមស្រាប់តែមានរថយន្តក្រឡុកស៊ីម៉ងត៍បេីកមកបុកពីក្រោយអូសជាប់ក្រោមរថយន្ត បង្កការភ្ញាក់ផ្អេីលកាលពីវេលាម៉ោង៣និង២០នាទីរសៀលថ្ងៃទី៨ ខែកក្កដា ឆ្នាំ២០២១ នៅចំណុចភ្លើងស្តុបកប់ស្រូវ តាមបណ្តោយផ្លូវជាតិលេខ៤ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកzoomer-x ពណ៌ក្រហម លាយស ពាក់ស្លាកលេខកណ្តាល1X-7311 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពី
កេីតទៅលិច ខណ:មកដល់ចំណុចកេីតហេតុដោយសារភ្លេីងស្តុបលោតពណ៌ក្រហមក៏ឈប់រង់ចាំ ភ្លាមនោះស្រាប់តែមានរថយន្តក្រឡុកស៊ីម៉ងត៍ ពាក់ស្លាកលេខភ្នំពេញ3F -5402 បេីកបរមកពីក្រោយបុកអូសបណ្តាលឱ្យអ្នកជិះម៉ូតូចូលក្រោមរថយន្តរងរបួសធ្ងន់។ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗ ចំណែករថយន្តនិងម៉ូតូរួមទាំងតៃកុងរថយន្តត្រូវបានសមត្ថកិច្ចនាំយកទៅផ្នែកជំនាញនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយតាមច្បាប់៕
ដោយ៖ សុខាសែនជ័យ
