សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគីរី៖ បេីយោងតាមការបង្ហោះនៅលេីបណ្ដាញសង្គមហ្វេសប៊ុករបស់ក្រសួងបរិស្ថាន នៅថ្ងៃសុក្រទី០៩ ខែកក្កដា ឆ្នាំ២០២១នេះថា៖ មន្ត្រីឧទ្យានុរក្សស្នាក់ការឧទ្យានជាតិវើនសៃ-សៀមប៉ាង បានចុះល្បាតពួនស្ទាក់បង្ក្រាបទល្មើសសត្វព្រៃ ជួបជនសង្ស័យ០១ក្រុម មានគ្នាចំនួន០៤នាក់ (គេចខ្លួនបាត់) ចូលទៅធ្វើសកម្មភាពប្រម៉ាញ់ចាប់សត្វព្រៃ និងដឹកជញ្ជូនចេញពីតំបន់ឧទ្យានជាតិ(វើនសៃ-សៀមប៉ាង)។
ក្រសួងបរិស្ថាន បានបញ្ជាក់បន្ថែមថា មន្ត្រីឧទ្យានុរក្សរឹបអូសយកបានម៉ូតូ ចំនួន០២គ្រឿង, សត្វរញី(រស់)ចំនួន០១ក្បាល, ម៉ងចាប់សត្វសំពោធ ចំនួន០២ត្បូងប្រវែងប្រមាណ១០០ម៉ែត្រ, អង្រឹងចំនួន០៤, គូមឆ្លុះសត្វ ចំនួន០២, កាបូបស្ពាយ(កព្ចាប់ចូលព្រៃ)ចំនួន០២, ញ៉ែងដាក់សត្វ ចំនួន០២, កាំបិតចំនួន០១, ការ៉ុង់គ្រឿងហូបចុកចានឆ្នាំង០១ចំនួន និងស្បែកជើងចំនួន០២គូ៕
ដោយ៖សហការី
