សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង÷ស្មានមិនដល់ដែលតាចាស់វ័យ៥៩ឆ្នាំម្នាក់នៅមានកម្លាំងខ្លាំងដូចក្របីឡើងកនិងមានតណ្ហាផ្លូវភេទក្រាស់ឃ្មឹក បានល្បួងក្មេងស្រីអាយុ៩ឆ្នាំម្នាក់ទៅរួមភេទ តែសំណាងល្អក្មេងស្រីដឹងខ្លួនស្រែកឲ្យគេជួយទាន់។
ហេតុការណ៍នេះកើតឡើងនៅរសៀលថ្ងៃទី១៩ ខែកក្កដា ឆ្នាំ២០២១ ស្ថិតត្រង់ចំណុចប៉ានីត ភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។ បានប៉ុន្មានម៉ោងក្រោយមកដំណឹងនេះបានឮដល់ឪពុកម្តាយក្មេងស្រីរងគ្រោះក៏ប្តឹងទៅសមត្ថកិច្ចមូលដ្ឋានតាមចាប់ជនសង្ស័យមកទទួលទោសតាមច្បាប់ទាល់តែបាន។
មន្តី្រនគរបាលស្រុកមណ្ឌលសីមា បានឲ្យដឹងថា
ជនសង្ស័យឈ្មោះ ផេង ឃុនឆាយ ភេទប្រុស អាយុ ៥៩ឆ្នាំ មានទីលំនៅប៉ានីត ភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។ ចំណែកក្មេងរងគ្រោះឈ្មោះ រ.ន. ភេទស្រី
អាយុ៩ឆ្នាំ ។ក្មេងស្រីរងគ្រោះបានរៀបរាប់ប្រាប់សមត្ថកិច្ចថា មុនពេលកើតហេតុខ្លួននាងត្រូវបានតាចាស់ខាងលើល្បួងទៅយកលុយនៅចុងភូមិ។ពេលនាងទៅដល់តាចាស់រូបនេះចាប់នាងបៀតបៀនកេរ្តិ៍ខ្មាសធ្វើឲ្យនាងភ័យរត់ស្រែកឲ្យគេជួយទាន់។បច្ចុប្បន្នជនសង្ស័យរូបនេះត្រូវបានកម្លាំងជំនាញកសាងសំណុំរឿង បញ្ជូនទៅការិយាល័យជួញដូរមនុស្យ និងអនីតិជនចាត់ការបន្តតាមច្បាប់ ៕
ដោយ៖ ប្រាថ្នា
