សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ហេតុការណ៍ភ្ញាក់ផ្អើលមួយបានកេីតឡេីង បន្ទាប់ពីរថភ្លើង បានបើកបុក បុរសម្នាក់ជាមនុស្សគ.ថ្លង់ពីក្រោយបណ្ដាលឱ្យរងរបួសធ្ងន់ នៅស្រុកព្រៃនប់ ខណៈបុរសរូបនោះ កំពុងតែដើរនៅលើផ្លូវរថភ្លើង។
ករណីគ្រោះថ្នាក់ចរាចរណ៍ខាងលេីនេះ បានកើតឡើងនៅវេលាម៉ោងជិត ៩ ព្រឹក ថ្ងៃទី២២ ខែកក្កដា ឆ្នាំ២០២១ ត្រង់ចំណុចក្បែរស្ថានីយ៍រណបរថភ្លើង វាលរេញ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ។
បើយោងតាមរបាយការណ៍របស់សមត្ថកិច្ចមូលដ្ឋាន បានឱ្យដឹងថា បុរសរងគ្រោះ ឈ្មោះ ឡុក គ (ជាមនុស្ស គ ថ្លង់) អាយុ ៣០ឆ្នាំ មានទីលំនៅ ភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បានរងរបួសធ្ងន់ធ្ងរ ពេលដែលបុរស រូបនេះ ដើរលើផ្លូវរថភ្លើង ហើយត្រូវរថភ្លើង បុកពីក្រោយ ។
បច្ចុប្បន្ន ក្រោយកើតហេតុ រថភ្លើង បានបន្តដំណើរទៅមុខ ចំណែកជនរងគ្រោះត្រូវបានសមត្ថកិច្ចនាំយកទៅជួយសង្គ្រោះ នៅពេទ្យឯកជន វាលរេញ ស្រុកព្រៃនប់ ដេីម្បីព្យាបាលជំងឺ៕
ដោយ៖សហការី
