សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមកម្មករកម្មការិនីរោងចក្រចំនួន៣៥៤នាក់ដែលមកស្នាក់នៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ជាប់ពាក់ព័ន្ធជាមួយរោងចក្រជីជី ដែលមានទីតាំងស្ថិតនៅមុខសាលាក្តីខ្មែរក្រហម សង្កាត់កន្ទោក ខណ្ឌកំបូល រាជធានីភ្នំពេញត្រូវបានក្រុមគ្រូពេទ្យស្ម័គ្រចិត្តសម្តេចតេជោ (TYDA)បានសហការជាមួយក្រុមការងារសាលាសង្កាត់ចោមចៅទី៣ ដឹកនាំដោយលោក វ៉ា សាវឿន ចៅសង្កាត់ ចុះយកសំណាកជាលេីកទី២នៅព្រឹកថ្ងៃទី២៣ ខែកក្តដា ឆ្នាំ២០២១នេះ ជាលទ្ធផលរកឃេីញអ្នកវិជ្ជមានចំនួន៤នាក់។
លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា កម្មករកម្មការិនីខាងលេីបានជាប់ពាក់ព័ន្ធជាមួយរោងចក្រជីជីដែលស្ថិតនៅផ្លូវជាតិលេខ៤ មុខសាលាក្តីខ្មែរក្រហម ក្នុងសង្កាត់កន្ទោក ខណ្ឌកំបូល ហេីយបានមកស្នាក់នៅបន្ទប់ជួល ក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ។
លោកបានបញ្ជាក់ថា កាលពីថ្ងៃទី០៧ ខែកក្កដា ឆ្នាំ២០២១ក្រុមគ្រូពេទ្យបានចុះយកសំណាកជាលេីកទី១ បានរកឃេីញអ្នកវិជ្ជមានចំនួន១០នាក់ក្នុងចំណោម១៣០នាក់។ រហូតមកដល់ថ្ងៃទី២៣ ខែកក្កដា ឆ្នាំ២០២១នេះ ក្រុមគ្រូពេទ្យបានចុះមកយកសំណាកជាលេីកទី២ ក៏រកឃេីញអ្នកវិជ្ជមានចំនួន៤នាក់បន្ថែមទៀត។
ក្នុងឱកាសនោះផងដែរលោក វ៉ា សា
វឿន ចៅសង្កាត់ចោមចៅទី៣ បានផ្តាំផ្ញេីដល់បងប្អូនទាំងអស់សូមប្រុងប្រយ័ត្នឱ្យបានខ្ពស់និងគោរពតាមការណែនាំរបស់រាជរដ្ឋាភិបាលនូវវិធានការ៣កុំ ៣ការពារទាំងអស់គ្នាដើម្បីជៀសផុតពីជំងឺកូវីដ-១៩ ៕
ដោយ៖សុខាសែនជ័យ
