សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ងាត់បាត់មុខពីសិល្បៈមួយរយៈមែន ប៉ុន្តែពេលនេះ តារាសម្តែង សិចស៊ី កញ្ញា ពេជ្រ អាវីហ្សា ស្រាប់តែបង្ហាញទាំងផ្ទះវីឡាធំស្កឹមស្កៃ និងរថយន្តទំនើបថ្លែកប់ពពកនៅលើបណ្តាញសង្គមហ្វេសប៊ុកប៊ុក។
ពេជ្រ អាវីហ្សា ហៅម៉ីម៉ី ត្រូវបានគេស្គាល់ច្រើនកាលពីប៉ុន្មានឆ្នាំមុនក្រោយពីនាងលេចមុខថតឈុតបែបសិចស៊ីរួមគ្នាជាមួយលោកអេនឌី និងចាប់ផ្តើមលេចមុខក្នុងការងារសិល្បៈមួយចំនួន ប៉ុន្តែមួយរយៈចុងក្រោយនេះនាងស្ងាត់បាត់ដំណឹងពីសិល្បៈស្រាប់តែលេចមុខធ្វើឲ្យគេភ្ញាក់ផ្អើលនឹងជីវិតហ៊ឹហានទៅវិញស្របពេលដែលសិល្បករជាច្រើនខ្លះកំពុងផុងខ្លួននឹងបំណុល ជីវភាពខ្វះមុខក្រោយ និងមុខជំនួញត្រូវជាប់គាំងព្រោះតែវិបត្តិនៃជំងឺកូវីដ១៩នោះ។
តារាស្រីរូបនេះបានបញ្ជាក់ដោយខ្លីនៅលើបណ្តាញសង្គមថា “តក់ៗពេញបំពង់ ចេញផ្លែផ្កាហើយ ក្តីស្រមៃមួយដែលក្លាយជាការពិត”។ សារនេះភ្ជាប់ដោយរូបភាពនៃផ្ទះវីឡាប្រណីតភ្លោះមួយជុង រួមទាំងរថយន្តទំនើបថ្លៃកកប់ពពកដែលក្រុមអ្នកអភិជននិយមជិះនោះគឺថយន្តLexus 570ពណ៌ស ថ្មីសម្លាងមួយគ្រឿងចតខាងក្រោមលំនៅដ្ឋាននេះផងដែរ។ មានសិល្បករ រួមអាជីពជាច្រើនបានបញ្ចេញសារសាទរដែលនាងទទួលបានទាំងរថយន្ត និងជម្រកដ៏ស្កឹមស្កៃនេះ ប៉ុន្តែគេនៅមិនទាន់ដឹងនៅឡើយទេថាតើរថយន្ត និងផ្ទះវីឡានេះកឺជាកម្មសិទ្ធិផ្តាច់មុខ ជារបស់ដែលនាងទិញខ្លួនឯង ឬក៏ជាកាដូពីអ្នកណានោះទេ។ ក៏ប៉ុន្តែមួយរយៈនេះនាងបានស្ងប់ស្ងាត់នឹងការងារសិល្បៈជាយូរក្រែលមកហើយដែរ។ ទោះជាយ៉ាងណារថយន្តទំនើបប្រណីតនេះធ្លាប់ត្រូវបាននាងបង្ហាញនិងធ្វើឲ្យគេភ្ញាក់ផ្អើលម្តងរួចមកហើយកាលពីថ្ងៃទី២០ខែមិថុនា កន្លងទៅ ខណៈដែលពាក់កណ្តាលខែមិថុនា កន្លងទៅគឺជាថ្ងៃខួបកំណើតកណើតរបស់នាង ហើយរថយន្តនេះត្រូវបានគេសង្ស័យថាជាកាដូពីសំណាក់គូស្មេហ៍ក្នុងថ្ងៃខួបកំណើតក៏ថាបាន៕
ដោយ៖វឌ្ឍនា
