សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស៊េរីទំនេីបម៉ាកBMW បេីកលឿនមកដល់ចំណុចផ្លូវបំបែកជាបួនមិនបន្ថយល្បឿនបានជ្រុលទៅបុកជាមួយរថយន្តទួរីសពេញទំហឹងបណ្តាលឱ្យរងការខូចខាតយ៉ាងដំណំ តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី២៦ ខែកក្កដា ឆ្នាំ២០២១ នៅចំណុចផ្លូវលេខ៣១០កែងផ្លូវលេខ១៩៩ ស្ថិតក្នុងសង្កាត់ទួលស្វាយព្រៃទី១ ខណ្ឌបឹងកេងកង។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកBMW ពណ៌ស ពាក់ស្លាកលេខភ្នំពេញ2AS-2133 បេីកបរតាមបណ្តោយផ្លូវលេខ៣១០ក្នុងទិសដៅពីត្បូងទៅជេីងក្នុងល្បឿនលឿន ហើយខណៈមកដល់ចំណុចកេីតហេតុស្រាប់តែមានរថយន្តទួរីសពណ៌ ពាក់ស្លាកលេខភ្នំពេញ2J-8575 បើកតាមបណ្តោយផ្លូវលេខ១៩៩ ក្នុងទិសដៅពីកេីតទៅលិចក្នុងល្បឿនលឿនដូចគ្នាក៏ជ្រុលទៅបុកគ្នាពេញទំហឹងបណ្តាលឱ្យរងការខូចខាតយ៉ាងដំណំ តែមិនមានមនុស្សរងរបួសឡើយ។
ក្រោយកេីតហេតុភាគីទាំងសងខាងក៏សម្របសម្រួលគ្នាដោយព្រមយកទៅជួសជុលរៀងខ្លួន៕
ដោយ៖សុខាសែនជ័យ
