សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ជិះម៉ូតូកញ្ចាស់មួយគ្រឿងមកប្តូរយកម៉ូតូសណ្តោងរ៉ឺម៉កមួយគ្រឿងបានសម្រេចហេីយព្យាយាមជិះគេចខ្លួន តែត្រូវបានម្ចាស់រុឺម៉កម៉ូតូដឹងទាន់ក៌ដេញតាមចាប់បានប្រគល់ជូនសមត្ថកិច្ចយកទៅចាត់ការតាមនីតិវិធី។
ហេតុការណ៍នេះបានកេីតឡេីងកាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី២៨ ខែកក្កដា ឆ្នាំ២០២១ នៅចំណុចមុខសាលាបឋមសិក្សាបឹងសាឡាង តាមបណ្តោយផ្លូវលេខ២៥៥ សង្កាត់បឹងសាឡាង ខណ្ឌទួលគោក។
ជនសង្ស័យឈ្មោះ ភត្ត្រា អាយុ២៤ឆ្នាំ មុខរបរនិងស្នាក់នៅមិនពិតប្រាកដ។
តាមប្រភពព័ត៌មានពីកន្លែងកេីតហេតុបានឱ្យដឹងថា ជារៀងរាល់ថ្ងៃគេបានឃេីញរ៉ឺម៉កម៉ូតូខាងលេីចតទុកនៅខាងមុខផ្ទះជារៀងរាល់ថ្ងៃ លុះមកដល់ថ្ងៃកេីតហេតុស្រាប់តែមានជនសង្ស័យម្នាក់ជិះម៉ូតូកញ្ចាស់មួយគ្រឿងមកធ្វេីសកម្មភាពប្តូរយករ៉ឺម៉កម៉ូតូ តែភ្លាមនោះម្ចាស់មេីលឃេីញតាមកាមេរ៉ាសុវត្ថិភាពក៏ដេញតាមចាប់បាន រួចប្រគល់ជូនសមត្ថកិច្ចតែម្តង៕
ដោយ៖សុខាសែនជ័យ
