សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ម៉ូវ ម៉ានិតអភិបាល ខណ្ឌសែនសុខ បានបញ្ជាក់ឲ្យដឹងថា៖ ការងារចាក់វ៉ាក់ សាំងបង្ការជំងឺកូវីដ-១៩ជូនកុមារ យុវវ័យ ចាប់ពីអាយុ១២ដល់១៧ឆ្នាំនៅខណ្ឌសែនសុខមាន៦សង្កាត់ ដែលមានតួលេខរួមសរុបចំនួនជាង២០០០០ នាក់ នេះបើតាមការបញ្ជាក់ ឲ្យដឹងពីលោក ម៉ូវ ម៉ានិត អភិបាលខណ្ឌសែនសុខ និងមន្ដ្រីជំនាញ ចុះពិនិត្យ និងពន្លឿនការងារ ចាក់វ៉ាក់សាំង នៅមណ្ឌលសុខភាពទឹកថ្លា សង្កាត់ទឹកថ្លា ខណ្ឌសែនសុខ នាព្រឹកថ្ងៃទី០៧ សីហា ឆ្នាំ២០២១ ។
លោកម៉ូវ ម៉ានិត បានបញ្ជាក់ថា៖ ចាប់តាំងពី រាជរដ្ឋាភិបាលកម្ពុជា បានបើកយុទ្ធ នាការថ្ងៃទី០១ ខែសីហា ឆ្នាំ២០២១ គឺជាថ្ងៃនៃការចាប់ផ្តើមដំណើរការចាក់វ៉ាក់សាំងការពារជំងឺកូវីដ-១៩ ជូនកុមារ និង យុវវ័យអាយុចាប់ពី១២ឆ្នាំ ដល់១៧ឆ្នាំ ក្នុងភូមិសាស្ត្ររាជធានីភ្នំពេញ រហូតមកដល់ ថ្ងៃទី០៧ សីហានេះ នៅខណ្ឌ កុមារ ចាប់ពីអាយុ ១២ដល់ ១៧ ឆ្នាំ បានសម្រុកមកទទួលការចាក់វ៉ាក់សាំង ទៅតាម មណ្ឌល ដែលយើងមានចំនួន៥ ទីតាំង ។ សង្កាត់អូរបែកក្អមនិងសង្កាត់ភ្នំពេញថ្មី ទីតាំងដែលត្រូវចាក់វ៉ាក់សាំងនៅមន្ទីរពេទ្យបង្អែកកម្ពុជា ចិន សែនសុខ។ សង្កាត់ឃ្មួញ គឺនៅមណ្ឌលសុខភាពឃ្មួញ។ សង្កាត់ក្រាំធ្នង់ នៅមណ្ឌលសុខភាពក្រាំងធ្នង់។ សង្កាត់គោកឃ្លាងនៅមណ្ឌលសុខភាពភ្នំពេញថ្មី និងសង្កាត់ទឹកថ្លាគឺនៅមណ្ឌលសុខភាពទឹកថ្លា។
ក្នុងឱកាសនោះដែរ លោក ម៉ូវ ម៉ានិត ក៏បានធ្វើការអំនាវនាវ ចំពោះមាតា បីតា អាណាព្យាបាល សូមនាំ កូន ចៅ កុមារ និងយុវវ័យ មានអាយុចាប់ពី១២ ដល់១៧ឆ្នាំមកចាក់វ៉ាក់សាំងបង្ការជំងឺកូវីដ-១៩ នៅលើទីតាំង ដែលបាន កំណត់ចំនួន៥កន្លែង ឲ្យបានគ្រប់គ្នាៗ ព្រោះថានៅសល់តែ៧ថ្ងៃទៀតប៉ុណ្ណោះការចាក់វ៉ាក់សាំងបង្ការជំងឺកូវីដ១៩ជូនកូន ចៅ កុមារ
ដូសទី១និងត្រូវបិតបញ្ចប់។ ហើយ អាណាព្យាបាល គ្រាន់តែយកមកជាមួយនូវឯកសារមួយចំនួន ដូចជា សំបុត្រកំណើត ឬសៀវភៅស្នាក់នៅ ឬសៀវភៅគ្រួសារ ឬលិខិតឆ្លងដែន ដើម្បីយកមកបង្ហាញ អាជ្ញាធរភូមិសង្កាត់
ដែលបងប្អូន កូន ក្មួយ រស់នៅ នោះបងប្អូន និងទទួលបាន លិខិតអនុញ្ញាត្ដិ ចាក់វ៉ាក់សាំងបានហើយ ដោយមិនមានការបង់ប្រាក់នោះទេ។
ក្នុងឱកាសនោដែរ លោកម៉ូវ ម៉ានិត ក៏បានរំលឹកផងដែរថា៖ បន្ទាប់ពីមានបញ្ជាពីអភិ បាលរាជធានីភ្នំពេញ លោក ឃួង ស្រេង ឲ្យអាជ្ញាធរខណ្ឌ សង្កាត់ ភូមិ គឺមិនអនុញ្ញាត្តឱ្យមានជាដាច់ខាតចំពោះការយកលុយជាថ្នូរនៃការផ្តល់ប័ណ្ណចាក់សាំងជូនកុមារ ។ បើមានករណីបែបនេះនឹងមានបញ្ហាប្រឈមជាមួយនឹងអាជ្ញាធររាជធានីភ្នំពេញ ពោលគឺ រដ្ឋបាលរាជធានីភ្នំពេញ មិនមានការយោគយល់ឡើយ ។
លោកអភិបាលបាលខណ្ឌសែនសុខ បានសូមក្រើនរំលឹកនិងអំពាវនាវជាថ្មីម្តងទៀតចំពោះបងប្អូនដែលត្រូវទទួលការចាក់វ៉ាក់សាំងបង្ការជំងឺកូវីដ១៩ ត្រូវរក្សាអោយបានដាច់ខាតនូវគម្លាតសុវត្តិភាពសង្គម ពាក់ម៉ាស់ តម្រងជួរ ជៀសវាងការប្រជ្រៀតគ្នា កៀកគ្នា ណែនតាន់តាប់ ដោយត្រូវប្រកាន់ភ្ជាប់នូវវិធានការរបស់ក្រសួងសុខាភិបាលនិងវិធានការ ៣ការពារ និង៣កុំ របស់សម្តេចអគ្គមហាសេនាបតី តេជោ ហ៊ុនសែន នាយករដ្ឋមន្ត្រីនៃព្រះជាណាចក្រកម្ពុជា៕
ដោយ៖ ចន្ទ លីហ្សា
