សារព័ត៌មាន នគរវត្ត តែងតែនាំមុខគេជានិច្ច
ការចាកចេញពី Barcelona របស់ Lionel Messi ទុកឱ្យអាវដែលនៅសេសសល់នៅមុនរដូវកាល២០២១–២០២២។ អាវលេខ១០ដែលកីឡាករសញ្ជាតិអាហ្សង់ទីនរូបនេះពាក់ពីដើមមកតើនឹងមានកីឡាករណាមួយដែលពាក់ជំនួសនៅរដូវកាលនេះ?
ដោយបានពាក់អាវអស់រយៈពេលជាងមួយទសវត្សរ៍មកហើយ Messi ត្រូវបង្ខំចិត្តចាកចេញពីទឹកដី Camp Nou ដោយទុកអាវលេខ១០ដើម្បីដណ្តើមយក ខណៈដែលរូបគេផ្ទាល់ទំនងជាពាក់លេខថ្មី ប្រសិនបើគាត់ផ្លាស់ទៅក្លិប Paris Saint Germain ដោយជោគជ័យ។
ដូច្នេះតើអ្នកណានឹងយកលេខ១០នៅ Barcelona? មិនមានកីឡាករណាពាក់នោះទេ អំឡុងពេលជ័យជំនះក្នុងការប្រកួត Joan Gamper Trophy ជាមួយក្រុម Juventus ហើយវាអាចទុកចោលដោយគ្មានអ្នកណាពាក់វានៅរដូវកាលក្រោយក៏ថាបាន។
មិនមានជម្រើសក្នុងការដកលេខអាវនៅលីកកំពូលអេស្ប៉ាញ La Liga ទេមិនដូចប្រពៃណីដែលត្រូវបានគេឃើញនៅក្នុងស្ថាប័ន NBA ឬនៅ SerieA និងសូម្បីតែក្នុងករណីធ្ងន់ធ្ងរនៅក្នុងក្របខ័ណ្ឌ Premier League ដោយ Chelsea បានចូលនិវត្តន៍លេខ២៥របស់ Gianfranco Zola ក៏ដោយ។
ខណៈដែលអាវលេខ១០គឺជានិមិត្តរូបនៃបាល់ទាត់ទាំងមូល វាកាន់តែមានសារសំខាន់នៅ Barcelona ដោយសារមានកីឡាករសំខាន់ៗ និងល្បីៗមួយចំនួនដែលធ្លាប់ពាក់ពីមុនដូចជា Romario, Ronaldinho, Diego Maradona, Rivaldo និង Messi។
កីឡាករដែលធ្លាប់ពាក់អាវលេខ១០នៅ Barcelona ចាប់ពីឆ្នាំ១៩៩៥ដល់ឆ្នាំ២០២១នេះមានដូចជាAngel Cuellar (1995-1996), Giovanni (1996-1997), Jari Litmanen (1999-2000), Rivaldo (2000-2002), Juan Roman Riquelme (2002-2003), Ronaldinho (2003-2008), Lionel Messi (2008-2021) ៕
ដោយ៖ ភារៈ(រូបភាព ៖ MARCA)
