សារព័ត៌មាន នគរវត្ត តែងតែនាំមុខគេជានិច្ច
អ្នកចាំទីអន្តរជាតិបែលហ្ស៊ិក Thibaut Courtois បានចុះហត្ថលេខាលើកិច្ចសន្យារយៈពេល៥ឆ្នាំថ្មីនៅឯក្លិប Real Madrid ដោយបន្តស្នាក់នៅកីឡដ្ឋាន Bernabeu រហូតដល់ខែមិថុនា ឆ្នាំ២០២៦។
Courtois មានវ័យ២៩ឆ្នាំបាននៅជាមួយក្លិបអេស្ប៉ាញ Real Madrid តាំងពីឆ្នាំ២០១៨ នៅពេលដែលគាត់បានផ្ទេរមកពី Chelsea ក្នុងតម្លៃខ្លួន៣៥លានផោន។ ឥឡូវនេះគាត់បានកំណត់គោលដៅប្រាក់ច្រើនជាមួយ Real Madird បន្ទាប់ពីប្តេជ្ញាអនាគតរបស់គាត់។
Courtois បានសរសេរនៅលើបណ្តាញទំនាក់ទំនងររបស់គាត់ថា “នេះនឹងក្លាយជារដូវកាលទី៤របស់ខ្ញុំនៅក្លិបក្នុងក្តីសុបិនរបស់ខ្ញុំ។វាជាកិត្តិយសណាស់ដែលមានឱកាសលេងសម្រាប់ពានរង្វាន់ទាំងអស់នេះ។ ខ្ញុំសង្ឃឹមថានឹងរក្សា និងធ្វើឱ្យលើសកម្រិតដែលខ្ញុំបានឈានដល់រដូវកាលមុន” ។
Courtois ដែលបានលេងការប្រកួត La Liga លើកទី១០០របស់គាត់សម្រាប់ Real Madird ក្នុងជ័យជម្នះ ៤-១ លើក្រុម Alaves កាលពីថ្ងៃសៅរ៍បានបន្ថែមថា “ការពន្យារពេលនេះគឺជារង្វាន់សម្រាប់កិច្ចខិតខំប្រឹងប្រែងរបស់ខ្ញុំក្នុងរយៈពេលមួយឆ្នាំចុងក្រោយនេះ វាបានលើកទឹកចិត្តខ្ញុំឱ្យខិតខំប្រឹងប្រែង និងផ្តល់អ្វីគ្រប់យ៉ាងឱ្យអស់ពីសមត្ថភាពសម្រាប់ក្លិបនៅលើពិភពលោកមួយនេះ” ៕
ដោយ៖ ភារៈ(រូបភាព ៖ BBC Sport)
