សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមរបាយការណ៍របស់សមត្ថកិច្ចនគរបាលខណ្ឌទួលគោក នៅព្រឹកថ្ងៃសៅរ៍ទី២៨ ខែសីហា ឆ្នាំ២០២១នេះ បានឱ្យដឹងថា កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាល ខណ្ឌទួលគោក បានធ្វើការស្រាវជ្រាវ និងឃាត់ខ្លួនជនសង្ស័យម្នាក់ កាលពីវេលាម៉ោង១១ និង៣០នាទីយប់ថ្ងៃទី២៧ ខែសីហា ឆាំ្ន២០២១ ករណីជួញដូរដោយខុសច្បាប់ នូវសារធាតុញៀន នៅចំណុចសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
របាយការណ៍ដដែល បានបន្ថែមទៀតថា ជនសង្ស័យឈ្មោះ ញឹក ស៊ីថាវី ភេទប្រុស អាយុ៣៣ឆាំ្ន ជនជាតិខែ្មរ មុខរបរ អូសបន្លែផ្សារដើមគ ស្នាក់នៅបន្ទប់ជួលលេខ៦ ផ្លូវ៣៣៦ ក្រុម២៨ ភូមិ១០ សង្កាត់បឹងសាឡាង ខណ្ឌទួលគោក រាជធានីភ្នំពេញ។
ប្រភពដដែល បន្តថា ក្រោយឃាត់ខ្លួនជនសង្ស័យខាងលើនេះ កម្លាំងជំនាញ បានចាប់យកវត្ថុតាងរួមមាន៖ ក្រាមពណ៌សថ្លា សង្ស័យជាគ្រឿងញៀន ចំនួន៦កញ្ចប់តូច ។
គួរបញ្ជាក់ថា បច្ចប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាល ខណ្ឌទួលគោក ដើម្បីកសាងសំណុំរឿង ដើម្បីចាត់ការបន្តតាមនីតិវិធីច្បាប់៕
ដោយ៖សហការី
