ក្រុមគ្រូពេទ្យចុះយកសំណាកកម្មករកម្មការិនីរោងចក្រចំនួន​១២០នាក់រកឃេីញវិជ្ជមានម្នាក់

 ភ្នំពេញ​៖ ក្រុមគ្រូពេទ្យស្ម័គ្រចិត្តសម្តេចតេជោ​ប្រឆាំងជំងឺកូវីដ-១៩​ សហការជាមួយអាជ្ញាធរបានចុះយកសំណាកកម្មករកម្មការិនីរោងចក្រ អ៉ីស្ទេក​ ស្ថិតនៅ ក្នុងភូមិត្រពាំងពោធិ៍​ សង្កាត់ចោមចៅទី៣​ ខណ្ឌពោធិ៍សែនជ័យ​ រាជធានីភ្នំពេញ​ នៅរសៀលថ្ងៃទី០៨ ខែកញ្ញា ឆ្នាំ២០២១​  ចំនួនសរុប១២០នាក់​ ជាលទ្ធផលរកឃេីញអ្នកវិជ្ជមានម្នាក់ និងបន្តរកជំងឺបំប្លែងថ្មីDelta បន្តទៀត។ 

   អាជ្ញាធរបានឱ្យដឹងថា​ កម្មករកម្មការិនីដែលត្រូវយកសំណាកមានចំនួន១២០នាក់​ ប្រុស២០នាក់ ក្នុងនោះរកឃេីញអ្នកវិជ្ជមានកូវីដ-១៩ចំនួន១នាក់ ភេទស្រី។ 

   ដើម្បីសុវត្ថិភាព សូមបងប្អូនយកចិត្តទុកដាក់តាមដានសុខភាពរបស់ខ្លួនរយៈពេល២១ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនោះ៕

ដោយ៖សុខាសែនជ័យ