សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តToyota Priusមួយគ្រឿងយ៉ាងលឿន និងមិនប្រយ័ត្នបានជ្រុលទៅបុកទ្រូងផ្លូវហេីយហោះទៅបុកបង្គោលភ្លេីងបន្ថែមទៀតបណ្ដាលឲ្យរងការខូចខាតយ៉ាងដំណំ ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១២ និង២០នាទីរំលងអធ្រាត្រ ឈានចូលថ្ងៃទី១៦ ខែកញ្ញា ឆ្នាំ២០២១ នៅចំណុចមុខវត្តនិរោធរង្សុី តាមបណ្ដោយផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុគេឃេីញរថយន្តមួយគ្រឿងម៉ាក Toyota Prius ពណ៌ខៀវ ពាក់ស្លាកលេខភ្នំពេញ 2AZ-9606 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវជាតិលេខ១ ទិសដៅពីលិចទៅកេីតក្នុងល្បឿនយ៉ាងលឿន ខណៈមកដល់ចំណុចកេីតហេតុក៏ជ្រុលទៅបុកទ្រូងផ្លូវហេីយផ្លោងទៅបុកបង្គោលភ្លេីងបន្ថែមទៀត បណ្ដាលឲ្យរថយន្តបង្ករងការខូចខាតផ្នែកខាងមុខយ៉ាងដំណំ រីឯបង្គោលភ្លេីងខូចខាតបន្តិចបន្ទួចតែប៉ុណ្ណោះ ហេីយក៏មិនបណ្ដាលឲ្យមនុស្សណាម្នាក់រងរបួសនោះដែរ ។
ក្រោយកេីតហេតុ សមត្ថកិច្ចមូលដ្ឋានបានចុះទៅដល់ ហេីយទាក់ទងសមត្ថកិច្ចជំនាញចរាចរណ៍ខណ្ឌច្បារអំពៅ ឲ្យមកធ្វេីការវាស់វែងយករថយន្តបង្កទៅរក្សាទុកនៅឯអធិការដ្ឋាននគរបាលច្បារអំពៅដេីម្បីរង់ចាំដោះស្រាយបន្តនាពេលក្រោយ៕
ដោយ ៖ ភារ៉ា ដង្កោ
