សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបេីកបររថយន្តកូរ៉េក្នុងល្បឿនលឿនទាំងរថយន្តដាច់ហ្វ្រ័ងធ្វើឱ្យជ្រុលទៅបុករថយន្តម៉ាកតូយ៉ូតាព្រូសដែលបេីកឆ្លងផ្លូវបណ្តាលឱ្យរងការខូចខាត ហេីយរថយន្តបង្កហេតុនៅមិនទាន់អស់ល្បឿនក៏បន្តទៅបុករថយន្តម៉ាកCRVមួយគ្រឿងទៀត តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១រសៀលថ្ងៃទី២៩ ខែកញ្ញា ឆ្នាំ២០២១នៅចំណុចមុខអាកាសយានដ្ឋានអន្តរជាតិភ្នំពេញ តាមបណ្តោយមហាវិថីសហព័ន្ធរុស្ស៊ី ក្នុងភូមិក្បាលដំរី២សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកព្រូស ពណ៌ប្រផេះពាក់ស្លាកលេខភ្នំពេញ2AZ-7349 បេីកបរដោយបុរសម្នាក់ធ្វេីដំណេីរចេញពីផ្លូវលំឆ្លងមហាវិថីសហព័ន្ធរុស្ស៊ី ខណៈឆ្លងជិតផុតទៅហេីយស្រាប់តែមានរថយន្តកូរ៉េពណ៌ស ពាក់ស្លាកលេខភ្នំពេញ2AH- 4430 បើកតាមបណ្តោយមហាវិថីសហព័ន្ធរុស្ស៊ីក្នុងទិសដៅពីកេីតទៅលិចក្នុងល្បឿនលឿនក៏ជ្រុលទៅបុកគូទរថយន្តព្រូសផ្នែកខាងឆ្វេងពេញទំហឹងបណ្តាលឱ្យរងការខូចខាត ហើយរថយន្តបង្កនៅមិនទាន់អស់ល្បឿនក៏បន្តទៅបុករថយន្តម៉ាកCRV ពណ៌ខ្មៅ ពាក់ស្លាកលេខភ្នំពេញ2AF-0335 ចំពីចំហៀងពេញទំហឹងបណ្តាលឱ្យបែកកង់ក្រោយផ្នែកខាងឆ្វេងរងការខូចខាតយ៉ាងដំណំ តែសំណាងដែរដែលមិនមានមនុស្សរងរបួស។
បេីតាមការបញ្ជាក់ពីម្ចាស់រថយន្តបង្កហេតុវិញបានឱ្យដឹងថា ដោយសារតែរថយន្តរបស់គាត់ដាច់ហ្វ្រ័ងជាន់មិនជាប់ទេីបបង្កគ្រោះថ្នាក់បែបនេះ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុប្រាប់ឱ្យភាគីទាំងអស់សម្របសម្រួលគ្នា តែដោយសារមិនត្រូវគ្នាទេីបប្រគល់ឱ្យជំនាញចុះមកធ្វេីការវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យដេីម្បីរង់ចាំដោះស្រាយនៅពេលក្រោយ៕
ដោយ៖សុខាសែនជ័យ
